ಇಂದು ಮೈಸೂರಿನಲ್ಲಿ ಸುದ್ದಿಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡುತ್ತಿದ್ದ ಸಿಎಂ ಸಿದ್ದರಾಮಯ್ಯ ಅವರಿಗೆ, ವರದಿಗಾರರು ನಿಮ್ಮ ಕನ್ನಡಕ 1.5ಲಕ್ಷದ್ದು ಮತ್ತು ವಾಚ್ ನ ಬೆಲೆ 50 ಲಕ್ಷ ರುಪಾಯಿ ಎಂದು ಮಾಜಿ ಮುಖ್ಯಮಂತ್ರಿ ಹಾಗೂ ಜೆಡಿಎಸ್ ನಾಯಕ ಎಚ್.ಡಿ.ಕುಮಾರಸ್ವಾಮಿ ಅವರು ಹೇಳುತ್ತಿದ್ದಾರೆ ಎಂದು ಪ್ರಶ್ನಿಸಿದರು. ಈ ವೇಳೆ ಸಿಎಂ ತಮ್ಮ ಕನ್ನಡಕ ತೆಗೆದಿಟ್ಟು ಇದನ್ನು ಯಾರಾದರು 50 ಸಾವಿರ ಕೊಟ್ಟು ಖರೀದಿಸಿ ಎಂದರು. ಅಲ್ಲದೆ ತಮ್ಮ ವಾಚ್ ತೋರಿಸಿ, ಈ ವಾಚ್ ಅನ್ನು 10 ಲಕ್ಷಕ್ಕೆ ಖರೀದಿಸಿ ಎಂದು ಎಚ್ ಡಿಕೆಗೆ ತಿರುಗೇಟು ನೀಡಿದರು.