ಮಂಡ್ಯ ಜಿ.ಪಂ ಅಧ್ಯಕ್ಷೆಯಾಗಿ ಜೆಡಿಎಸ್‌ನ ಪ್ರೇಮಕುಮಾರಿ ಆಯ್ಕೆ

ಮಂಡ್ಯ: ಮಂಡ್ಯ ಜಿಲ್ಲಾ ಪಂಚಾಯತ್ ನೂತನ ಅಧ್ಯಕ್ಷೆಯಾಗಿ ಜೆಡಿಎಸ್ ನ ಸಂತೇಬಾಚಹಳ್ಳಿ ಕ್ಷೇತ್ರದ ಜೆ. ಪ್ರೇಮಕುಮಾರಿ ಆಯ್ಕೆಯಾಗಿದ್ದಾರೆ.

ಇನ್ನು ಜಿ.ಪಂನ ಉಪಾಧ್ಯಕ್ಷೆಯಾಗಿ ಬೂಕನಕೆರೆ ಕ್ಷೇತ್ರದ ಪಿ.ಕೆ ಗಾಯತ್ರಿ ರೇವಣ್ಣ ಆಯ್ಕೆಯಾಗಿದ್ದಾರೆ. ಅಧ್ಯಕ್ಷೆ ಸ್ಥಾನ ಸಾಮಾನ್ಯ ವರ್ಗಕ್ಕೆ ಹಾಗೂ ಉಪಾಧ್ಯಕ್ಷೆ ಸ್ಥಾನ ಎಸ್ಟಿ ವರ್ಗಕ್ಕೆ ಮೀಸಲಿರಿಸಲಾಗಿತ್ತು.

ಈ ಮಧ್ಯೆ ಅಧ್ಯಕ್ಷಗಾಧಿ ಮೇಲೆ ಕಣ್ಣಿಟ್ಟಿದ್ದ ಚಾಮನಹಳ್ಳಿಯ ಪ್ರಬಲ ಆಕಾಂಕ್ಷಿ ಎಸ್. ನಾಗರತ್ನಸ್ವಾಮಿ ಅವರು ನಾಮಪತ್ರ ಸಲ್ಲಿಸಿದ್ದರು. ಆದರೆ ವರಿಷ್ಠರ ಮಧ್ಯಸ್ಥಿಕೆಯಲ್ಲಿ ನಾಗರತ್ನ ಅವರು ತಮ್ಮ ನಾಮಪತ್ರವನ್ನು ಹಿಂಪಡೆದಿದ್ದು, ನಿರೀಕ್ಷೆಯಂತೆ ಪ್ರೇಮಕುಮಾರಿ ಅವರಿಗೆ 27 ಮತಗಳು ಲಭಿಸಿದ್ದು, ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.