ಇಬ್ಬರು ಖರ್ಗೆಗಳಿಂದ ಜನರು ಬೇಸತ್ತಿದ್ದಾರೆ: ಉಮೇಶ್ ಜಾಧವ್

ಕಲಬುರಗಿ: ಲೋಕಸಭೆ ಚುನಾವಣೆ ಸಮೀಪಿಸುತ್ತಿರುವ ಹೊತ್ತಲ್ಲೇ ನಿರೀಕ್ಷೆಯಂತೆ ಚಿಂಚೋಳಿ ಕಾಂಗ್ರೆಸ್ ಶಾಸಕ ಉಮೇಶ್ ಜಾಧವ್ ರಾಜಿನಾಮೆ ನೀಡಿ, ಬಿಜೆಪಿ ಸೇರ್ಪಡೆಯಾಗುತ್ತಿದ್ದಾರೆ. ಕಲಬುರಗಿಯಲ್ಲಿ ಖರ್ಗೆ ವಿರೋಧಿ ಅಲೆ ಇದೆ, ಹೀಗಾಗಿ ಖರ್ಗೆ ಅವರನ್ನು ಸೋಲಿಸುವುದಾಗಿ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಗೆ ನೀಡಿದ ಸಂದರ್ಶನದಲ್ಲಿ ಜಾಧವ್ ವಿಶ್ವಾಸ ವ್ಯಕ್ತ ಪಡಿಸಿದ್ದಾರೆ.

ಸಮ್ಮಿಶ್ರ ಸರ್ಕಾರದ ವರ್ತನೆಯಿಂದ ಬೇಸತ್ತಿದ್ದೆ, ಕ್ಷೇತ್ರದ ಅಭಿವೃದ್ಧಿಗಾಗಿ ಅವರನ್ನು ಭೇಟಿ ಮಾಡಲು ಹೋದರೆ ಮಲ್ಲಿಕಾರ್ಜುನ ಖರ್ಗೆ ಮತ್ತು ಪ್ರಿಯಾಂಕ್ ಖರ್ಗೆ ಇಬ್ಬರು ಘಂಟೆಗಟ್ಟಲೆ ಕಾಯಿಸುತ್ತಿದ್ದರು. ಈ ಮೂಲಕ ನನಗೆ ಅವಮಾನ ಮಾಡುತ್ತಿದ್ದರು.ಇಬ್ಬರು ಖರ್ಗೆಗಳ ವರ್ತನೆಯಿಂದ ಜನರು ಬೇಸತ್ತಿದ್ದಾರೆ, ಹೀಗಾಗಿ ಜನಈ ಬಾರಿ ಬದಲಾವಣೆ ಬಯಸುತ್ತಿದ್ದಾರೆ.

ನನ್ನ ಕುಟುಂಬದ ಹಿನ್ನೆಲೆ, ನನ್ನ ಸಮಾಜ ಸೇವೆ, ನನ್ನ ತಂದೆ ಗೋಪಾಲ್ ಜಾಧವ್ ಸ್ವಾತಂತ್ರ್ಯ ಹೋರಾಟಗಾರ, ವಿದ್ಯಾರ್ಥಿಗಳಿಗಾಗಿ ಹಾಸ್ಟೆಲ್ ನಿರ್ಮಿಸಿದ್ದರು.2013 ಕ್ಕೂ ಮುಂಚೆ ನಾನು ಸರ್ಕಾರಿ ವೈದ್ಯನಾಗಿ ಸೇವೆ ಸಲ್ಲಿಸಿದ್ದೇನೆ,  ಜನರ ಸೇವೆಗಾಗಿ ನಾನು ನನ್ನ ಕೆಲಸಕ್ಕಾಗಿ ರಾಜಿನಾಮೆ ನೀಡಿದೆ, ನಾನು ಮೊದಲ ಬಾರಿ  ಶಾಸಕನಾದಾಗ ಕ್ಷೇತ್ರದಲ್ಲಿ ಹಲವು ಕೆಲಸ ಮಾಡಿದ್ದೇನೆ.

ದೈತ್ಯ ಮತ್ತು ಸಾಮಾನ್ಯ ವ್ಯಕ್ತಿಯ ನಡುವಣ ಯುದ್ದ, ಈ ಚುನಾವಣೆಯಲ್ಲಿ ಖರ್ಗೆ ಸೋಲು ಖಚಿತ, ಅದನ್ನು ಜನ ನಿಜ ಮಾಡಿ  ತೋರಿಸುತ್ತಾರೆ, ಅವರೇ ನಮ್ಮ ನಿಜವಾದ ಮಾಸ್ಟರ್,  ಕ್ಷೇತ್ರದಲ್ಲಿ ಕಾಂಗ್ರೆಸ್ ವಿರೋಧಿ ಹಾಗೂ ಖರ್ಗೆ ವಿರೋದಿ ಅಲೆ ನನಗೆ ಸಹಾಯ  ಮಾಡುತ್ತದೆ.