83 ವರ್ಷದ ನಟನಿಗೆ 29ರ ಪ್ರೇಯಸಿ: ಗರ್ಭಿಣಿ ಆದ ಬಳಿಕ ತಂದೆ ಯಾರೆಂದು ಕನ್ಫ್ಯೂಸ್, DNA ಪರೀಕ್ಷೆ ವೇಳೆ ಅಚ್ಚರಿ

ಹಾಲಿವುಡ್​ನ ಖ್ಯಾತ ನಟ ಅಲ್​ ಪಚಿನೋ ತಮ್ಮ 83ನೇ ವಯಸ್ಸಿನಲ್ಲಿ ತಮ್ಮ 29 ವರ್ಷದ ಪ್ರೇಯಸಿ ಜೊತೆ ತಂದೆಯಾಗುವ ಅವಕಾಶ ಪಡೆದಿದ್ದು, ಆದರೆ ಈ ಕಾರ್ಯದಿಂದ ಅವರಿಗೆ ಅಚ್ಚರಿಯೊಂದಿಗೆ ಗೊಂದಲವೂ ಕೂಡ ಆಗಿದೆ.
ಅಲ್ ಪಚೀನೋ ಮತ್ತು ನೂರ್​ ಅಲ್ಫಾಲ್ಲಾ
ಅಲ್ ಪಚೀನೋ ಮತ್ತು ನೂರ್​ ಅಲ್ಫಾಲ್ಲಾ

ಹಾಲಿವುಡ್​ನ ಖ್ಯಾತ ನಟ ಅಲ್​ ಪಚಿನೋ ತಮ್ಮ 83ನೇ ವಯಸ್ಸಿನಲ್ಲಿ ತಮ್ಮ 29 ವರ್ಷದ ಪ್ರೇಯಸಿ ಜೊತೆ ತಂದೆಯಾಗುವ ಅವಕಾಶ ಪಡೆದಿದ್ದು, ಆದರೆ ಈ ಕಾರ್ಯದಿಂದ ಅವರಿಗೆ ಅಚ್ಚರಿಯೊಂದಿಗೆ ಗೊಂದಲವೂ ಕೂಡ ಆಗಿದೆ.

ಹಾಲಿವುಡ್​ನ ಅನೇಕ ಸಿನಿಮಾಗಳಲ್ಲಿ ನಟಿಸಿ ಫೇಮಸ್​ ಆಗಿರುವ ಅವರಿಗೆ ಈಗ 83 ವರ್ಷ ವಯಸ್ಸು. ಹುಣಸೆ ಮರ ಮುಪ್ಪಾದರೂ ಹುಳಿ ಮುಪ್ಪಲ್ಲ ಎಂಬ ಮಾತು ಅಲ್​ ಪಚಿನೋ ಅವರಿಗೆ ಸೂಕ್ತವಾಗಿ ಹೊಂದಿಕೆ ಆಗುತ್ತದೆ. ಈ ಇಳಿ ವಯಸ್ಸಿನಲ್ಲೂ ಅವರು 29 ವರ್ಷದ ಪ್ರೇಯಸಿಯನ್ನು ಹೊಂದಿದ್ದಾರೆ. ಅವರ ಗರ್ಲ್​ಫ್ರೆಂಡ್​ ಹೆಸರು ನೂರ್​ ಅಲ್ಫಾಲ್ಲಾ. ಅಚ್ಚರಿ ಎಂದರೆ ಅಲ್​ ಪಚಿನೋ ಅವರ ಪ್ರೇಯಸಿ ನೂರ್​ ಅಲ್ಫಾಲ್ಲಾ (Noor Alfallah) ವಯಸ್ಸು ಕೇವಲ 29 ವರ್ಷ! ಇವರಿಬ್ಬರ ನಡುವೆ ಪ್ರೀತಿ ಚಿಗುರಿದೆ. 

ಈಗ ನೂರ್​ ಅಲ್ಫಾಲ್ಲಾ ಪ್ರೆಗ್ನೆಂಟ್ (Pregnant)​ ಗರ್ಭಿಣಿಯಾಗಿದ್ದಾರೆ ಎಂಬ ವಿಚಾರ ಬೆಳಕಿಗೆ ಬಂದಿದೆ. ಆದರೆ ‘ಅದಕ್ಕೆ ಕಾರಣ ನಾನಲ್ಲ’ ಅಂತ ಅಲ್​ ಪಚಿನೋ ವಾದಿಸಿದ್ದಾರೆ. ಬಾಯ್​ಫ್ರೆಂಡ್​ನ ದುಗುಡ ಏನು ಎಂಬುದು 29ರ ಪ್ರಾಯದ ಸುಂದರಿ ನೂರ್​ ಅಲ್ಫಾಲ್ಲಾ ಅವರಿಗೆ ಅರ್ಥವಾಗಿದ್ದು, ಅವರು ಡಿಎನ್​ಎ ಟೆಸ್ಟ್​ ಮಾಡಿಸಲು ಒಪ್ಪಿಕೊಂಡರು. ಮಾತ್ರವಲ್ಲದೇ ಡಿಎನ್​ಎ ಟೆಸ್ಟ್ ಕೂಡ​ ಮಾಡಿಸಲಾಗಿದೆ. ಆದರೆ ಪರೀಕ್ಷಾ ವರದಿ ಮಾತ್ರ ಸ್ವತಃ ಅಲ್​ ಪಚಿನೋಗೆ ಅಚ್ಚರಿ ತಂದಿದೆ.

ಪಚಿನೋ ಭಯವೇನು?
ನೂರ್​ ಅಲ್ಫಾಲ್ಲಾ ಗರ್ಭಿಣಿ ಆಗಿದ್ದಕ್ಕೆ ತಾವು ಕಾರಣ ಅಲ್ಲ ಎಂಬುದು ಅವರ ಪಚಿನೋ ಅವರ ವಾದ. 83 ವರ್ಷ ವಯಸ್ಸಿನ ಪಚಿನೋಗೆ ಈ ವಯಸ್ಸಿನಲ್ಲಿ ತಮಗೆ ಮಕ್ಕಳಾಗುವುದಿಲ್ಲ ಎಂಬುದು ಪಚಿನೋ ಅವರ ಗಟ್ಟಿ ನಂಬಿಕೆ. ಇದೇ ಕಾರಣಕ್ಕೆ ಪ್ರೇಯಸಿ ಮೇಲೆ ಅವರಿಗೆ ಅನುಮಾನ ಬಂದಿದೆ. ಆಗಿದ್ದಾಗಲಿ ಟೆಸ್ಟ್​ ಮಾಡಿಸಿಯೇ ಬಿಡೋಣ ಅಂತ ಈ ಜೋಡಿ ತೀರ್ಮಾನಿಸಿತು. ಕೊನೆಗೂ ಡಿಎನ್ಎ ಪರೀಕ್ಷೆ ನಡೆದಿದ್ದು ಅದರ ಫಲಿತಾಂಶ ಅಚ್ಚರಿ ಮೂಡಿಸಿದೆ.

ವರದಿಯಲ್ಲೇನಿತ್ತು?
ಅಲ್ ಪಚಿನೋ ಪ್ರೇಯಸಿ ನೂರ್​ ಅಲ್ಫಾಲ್ಲಾ ರನ್ನು ಡಿಎನ್ ಎ ಪರೀಕ್ಷೆಗೊಳಪಡಿಸಿದಾಗ ಹೊಟ್ಟೆಯಲ್ಲಿ ಬೆಳೆಯುತ್ತಿರುವ ಮಗುವಿಗೆ ಅಲ್​ ಪಚಿನೋ ಅವರೇ ತಂದೆ ಎಂಬುದು ಸಾಬೀತಾಗಿದೆ. ಹೀಗಾಗಿ ಡಿಎನ್ಎ ಪರೀಕ್ಷಾ ವರದಿ ನಟನಿಗೂ ಅಚ್ಚರಿ ತಂದಿದೆ. ಅಲ್ಲದೆ ಪ್ರೇಯಸಿ ಮೇಲಿನ ಅನುಮಾನಕ್ಕೂ ಬ್ರೇಕ್ ಹಾಕಿದೆ.

ಯಾರೂ ಈ ನಟ ಅಲ್ ಪಚೀನೋ?
ಹಾಲಿವುಡ್​ನಲ್ಲಿ ಡಿಗ್ಗಜ ನಟನಾಗಿ ಅಲ್​ ಪಚಿನೋ ಗುರುತಿಸಿಕೊಂಡಿದ್ದಾರೆ. ‘ಗಾಡ್​ ಫಾದರ್​’, ‘ಸೆಂಟ್​ ಆಫ್​ ಎ ವುಮನ್​’ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿ ಅವರು ಗಮನ ಸೆಳೆದಿದ್ದಾರೆ. ಅವರ ಅಭಿನಯಕ್ಕೆ ಆಸ್ಕರ್​ ಪ್ರಶಸ್ತಿ, ಟೋನಿ ಪ್ರಶಸ್ತಿ ಸೇರಿದಂತೆ ಹಲವು ಪುರಸ್ಕಾರಗಳು ಸಂದಿವೆ. ಸಿನಿಮಾ ಮಾತ್ರವಲ್ಲದೇ ಕಿರುತೆರೆ ಮತ್ತು ರಂಗಭೂಮಿಯಲ್ಲೂ ಅವರು ತಮ್ಮ ಛಾಪು ಮೂಡಿಸಿದ್ದಾರೆ. 1969ರಿಂದಲೂ ಅವರು ಹಾಲಿವುಡ್​ನಲ್ಲಿ ಸಕ್ರಿಯರಾಗಿದ್ದಾರೆ.

ಹಾಲಿವುಡ್ ನಟ ಐಶಾರಾಮಿ ಜೀವನ!
ಅಲ್​ ಪಚಿನೋ ಅವರ ವೈಯಕ್ತಿಕ ಜೀವನ ಡಿಫರೆಂಟ್​ ಆಗಿದೆ. ಅವರಿಗೆ ಈಗಾಗಲೇ ಮೂವರು ಮಕ್ಕಳು ಇದ್ದಾರೆ. ಆದರೆ ಅಲ್​ ಪಚಿನೋಗೆ ಮದುವೆ ಆಗಿಲ್ಲ! ಹೌದು, ಈ ಮೂವರು ಮಕ್ಕಳು ಜನಿಸಿದ್ದು ಇಬ್ಬರು ಮಾಜಿ ಪ್ರೇಯಸಿಯರಿಗೆ. ಈಗ 4ನೇ ಮಗುವಿಗೆ ತಂದೆ ಆಗುತ್ತಿದ್ದಾರೆ. ಈ ಬೆಳವಣಿಗೆ ಬಗ್ಗೆ ಮೂವರು ಮಕ್ಕಳು ಬೇಸರ ವ್ಯಕ್ತಪಡಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. 

ಇನ್ನು, ಅಲ್​ ಪಚಿನೋ ಪ್ರೇಯಸಿ ನೂರ್​ ಅಲ್ಫಾಲ್ಲಾ ಇತಿಹಾಸ ಕೂಡ ದೊಡ್ಡದಿದೆ. 22 ವಯಸ್ಸಿನಲ್ಲೇ ಅವರು 50 ಪ್ಲಸ್​ ವಯಸ್ಸಿನ ವ್ಯಕ್ತಿಗಳ ಜೊತೆ ಡೇಟಿಂಗ್​ ಮಾಡಿದ್ದರು. ಇದೀಗ ಅಲ್ ಪಚೀನೋ ಜೊತೆ ಜೀವನ ಸಾಗಿಸುತ್ತಿದ್ದಾರೆ.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com