ಬ್ರಿಸ್ಬೇನ್: ರಷ್ಯಾದ ಮಾರಿಯಾ ಶರಪೋವಾ ಬ್ರಿಸ್ಬೇನ್ ಇಂಟರ್ನ್ಯಾಷನಲ್ ಟೆನಿಸ್ ಚಾಂಪಿಯನ್ ಶಿಪ್ ನಲ್ಲಿ ಪ್ರಶಸ್ತಿಯ ಗರಿ ಮೂಡಿಸಿಕೊಂಡಿದ್ದಾರೆ.
ಆ ಮೂಲಕ ಇದೇ ತಿಂಗಳು 19ರಿಂದ ಆರಂಭವಾಗಲಿರುವ ವರ್ಷದ ಮೊದಲ ಗ್ರ್ಯಾನ್ ಸ್ಲಾಮ್ ಟೂರ್ನಿಯಾದ ಆಸ್ಟ್ರೇಲಿಯನ್ ಓಪನ್ಗೆ ಉತ್ತಮ ರೀತಿಯ ತಯಾರಿ ಪಡೆದುಕೊಂಡಂತಾಗಿದೆ.
ಶನಿವಾರ ನಡೆದ ಮಹಿಳೆಯರ ಸಿಂಗಲ್ಸ್ ಫೈನಲ್ ಪಂದ್ಯದಲ್ಲಿ ಮಾರಿಯಾ ಶರಪೋವಾ, 6-7 (4-6), 6-3, 6-3 ಸೆಟ್ಗಳಿಂದ ಸರ್ಬಿಯಾದ ಅನಾ ಇವಾನೊವಿಚ್ ಅವರನ್ನು ಪರಾಭವಗೊಳಿಸಿ ಈ ಸಾಧನೆ ಮಾಡಿದರು.
ಸುಮಾರು ಎರಡು ಗಂಟೆ ಆಟದಲ್ಲಿ ಶರಪೋವಾ ಮೊದಲ ಸೆಟ್ ಸೋತು ಆತಂಕಕ್ಕೆ ಒಳಗಾಗಿದ್ದರು. ಆದರೆ ಮುಂದಿನ ಎರಡೂ ಸೆಟ್ಗಳಲ್ಲಿ ಅತ್ಯುತ್ತಮ ಹೋರಾಟ ನಡೆಸುವ ಮೂಲಕ ಅಂತಿಮವಾಗಿ ಚಾಂಪಿಯನ್ ಪಟ್ಟ ಅಲಂಕರಿಸುವಲ್ಲಿ ಯಶಸ್ವಿಯಾದರು.
Advertisement