ಖುಶ್ಬಿರ್ ಕೌರ್ ರಾಷ್ಟ್ರೀಯ ದಾಖಲೆ

ಮಂಗಳೂರು: ಮೂಡುಬಿದಿರೆಯಲ್ಲಿ ನಡೆಯುತ್ತಿರುವ 74ನೇ ಅಖಿಲ ಭಾರತ ಅಂತರ ವಿಶ್ವವಿದ್ಯಾಲಯ ಮಟ್ಟದ ಅಥ್ಲೆಟಿಕ್ ಚಾಂಪಿಯನ್‌ಶಿಪ್‌ನಲ್ಲಿ ಪಂಜಾಬ್‌ನ ಕ್ರೀಡಾಳು ಖುಶ್ಬಿರ್ ಕೌರ್ ಹೊಸ ರಾಷ್ಟ್ರೀಯ ದಾಖಲೆ ನಿರ್ಮಿಸಿದರು.

ಮಹಿಳೆಯರು ವಿಭಾಗದ 5000 ಮೀ. ಕಾಲ್ನಡಿಗೆ ವಿಭಾಗದಲ್ಲಿ ಖುಶ್ಬಿರ್ ಕೌರ್ ನಿಗದಿತ ದೂರವನ್ನು 22:05 ನಿಮಿಷಗಳಲ್ಲಿ ಕ್ರಮಿಸಿ, ಇದೇ ವಿಭಾಗದಲ್ಲಿ ತಮ್ಮ ಹೆಸರಲ್ಲಿದ್ದ ಹಳೆಯ ದಾಖಲೆಯನ್ನು ಅಳಿಸಿ ಹಾಕಿದರು. 2011ರ ಅಥ್ಲೆಟಿಕ್ ಚಾಂಪಿಯನ್ ಶಿಪ್‌ನಲ್ಲಿ ಖುಶ್ಬಿರ್ ಅವರು ಈ ದೂರವನ್ನು 23:33 ನಿಮಿಷಗಳಲ್ಲಿ ಕ್ರಮಿಸಿದ್ದರು.

ತಮ್ಮ ನೂತನ ದಾಖಲೆ ಬಗ್ಗೆ ಅನಿಸಿಕೆ ಹಂಚಿಕೊಂಡ ಕೌರ್, 'ನನ್ನ ದಾಖಲೆಯನ್ನು ನಾನೇ ಮುರಿದಿರುವುದು ಸಂತಸ ತಂದಿದೆ. 2016ರ ವಿಷ್ಯನ್ ಕ್ರೀಡಾಕೂಟದಲ್ಲಿ ಸ್ಪರ್ಧೆಯಲ್ಲಿ ಹೊಸ ದಾಖಲೆ ಸೃಷ್ಟಿಸಬೇಕೆಂಬುದು ನನ್ನ ಮುಂದಿರುವ ಗುರಿ' ಎಂದರು.