ಜನವರಿಯಲ್ಲಿ ಟೀಂ ಇಂಡಿಯಾ ಆಸೀಸ್‌ ಪ್ರವಾಸ

ಮೆಲ್ಬರ್ನ್‌: 2016ರ ಜನವರಿಯಲ್ಲಿ ಭಾರತ ಆಸ್ಟ್ರೇಲಿಯಾ ಪ್ರವಾಸ ಕೈಗೊಳ್ಳಲಿದ್ದು, ಆಸ್ಟ್ರೇಲಿಯಾ-ಟೀಂ ಇಂಡಿಯಾ ನಡುವೆ 5 ಏಕದಿನ ಹಾಗೂ 3 ಟಿ-20 ಪಂದ್ಯಗಳು ನಡೆಯಲಿವೆ.

ಭಾರತ ತಂಡವು ಆಸ್ಟ್ರೇಲಿಯಾದಲ್ಲಿ ಸತತ ಎರಡು ವರ್ಷಗಳಲ್ಲಿ ಎರಡು ಸರಣಿ ಆಡಿದ ದಾಖಲೆಗೆ ಭಾಜನವಾಗಲಿದೆ. ಕಳೆದ ವರ್ಷ ಭಾರತ, ಆಸ್ಟ್ರೇಲಿಯಾ ಜತೆಗೆ ಇಂಗ್ಲೆಂಡ್‌ ಕೂಡ ತ್ರಿಕೋಣ ಸರಣಿಯಲ್ಲಿ ಭಾಗವಹಿಸಿತ್ತು.

ಐದು ಏಕದಿನ ಪಂದ್ಯಗಳಲ್ಲಿ ಮೊದಲನೇ ಪಂದ್ಯ ಪರ್ತ್‌ನಲ್ಲಿ ಜನವರಿ 12ರಂದು ನಡೆಯಲಿದೆ. ಉಳಿದ ಪಂದ್ಯಗಳು ಬ್ರಿಸ್ಬೆನ್‌, ಮೆಲ್ಬರ್ನ್, ಕ್ಯಾನ್ಬೆರಾ ಮತ್ತು ಸಿಡ್ನಿಯಲ್ಲಿ ನಡೆಯಲಿದೆ. ಮೂರು ಟಿ-20 ಪಂದ್ಯಗಳು ಅಡಿಲೇಡ್, ಮೆಲ್ಬರ್ನ್ ಮತ್ತು ಸಿಡ್ನಿಯಲ್ಲಿ ನಡೆಯಲಿವೆ.


ಏಕದಿನ ಪಂದ್ಯಗಳಾ ವೇಳಾಪಟ್ಟಿ:

1ನೇ ಏಕದಿನ: ಜನವರಿ 12, ಪರ್ತ್‌

2ನೇ ಏಕದಿನ: ಜನವರಿ 15, ಬ್ರಿಸ್ಬೇನ್‌

3ನೇ ಏಕದಿನ: ಜನವರಿ 17, ಮೆಲ್ಬರ್ನ್‌

4ನೇ ಏಕದಿನ: ಜನವರಿ 20, ಕ್ಯಾನ್ಬೆರಾ

5ನೇ ಏಕದಿನ: ಜನವರಿ 23, ಸಿಡ್ನಿ

ಟಿ-20 ಪಂದ್ಯಗಳು

1ನೇ ಟಿ- 20: ಜನವರಿ 26, ಅಡಿಲೇಡ್

2ನೇ ಟಿ-20: ಜನವರಿ 29, ಮೆಲ್ಬರ್ನ್‌

3ನೇ ಟಿ- 20: ಜನವರಿ 31, ಸಿಡ್ನಿ