ನವದೆಹಲಿ: ಭಾರತೀಯ ಸೂಪರ್ ಲೀಗ್(ಐಎಸ್ಎಲ್) ಹರಾಜಿನಲ್ಲಿ ಭಾರತ ರಾಷ್ಟ್ರೀಯ ಫುಟ್ಬಾಲ್ ತಂಡದ ನಾಯಕ ಸುನಿಲ್ ಚೆಟ್ರಿಯನ್ನು 1.20 ಕೋಟಿ ರುಪಾಯಿಗೆ ಮುಂಬೈ ಸಿಟಿ ಎಫ್‌ಸಿ ತಂಡ ಖರೀದಿಸಿದೆ.
ಶುಕ್ರವಾರ ನಡೆದ ಹರಾಜಿನಲ್ಲಿ ಸುನೀಲ್ ಚೆಟ್ರಿ 1.20 ಕೋಟಿ ರುಪಾಯಿಗೆ ಹರಾಜಾಗಿದ್ದು, ಅವರ ಮೂಲ ಬೆಲೆ 80 ಲಕ್ಷ ರು. ಹೊಂದಿದ್ದರು. ಮೂಲ ಬೆಲೆ 27 ಲಕ್ಷ ರು. ಹೊಂದಿದ್ದ ಸೆಂಟ್ರಲ್‌ ಮಿಡ್‌ಪೀಲ್ಡರ್‌ ಯೂಗೆನ್ಸನ್‌ ಲಿಂಗ್ಡೊ 1.05 ಕೋಟಿ ರು.ಗೆ ಬಿಕರಿಯಾಗಿ ಅಚ್ಚರಿ ಮೂಡಿಸಿದ್ದು, ಪುಣೆ ಎಫ್‌ಸಿ ಖರೀದಿಸಿತ್ತು.
ಇದೇ ಐಎಸ್‌ಎಲ್‌ನ ಅತಿ ದೊಡ್ಡ ಮೊತ್ತ ಎಂಬ ಭಾವನೆ ಆರಂಭದಲ್ಲಿ ಎಲ್ಲರಲ್ಲಿತ್ತು. ಆದರೆ ಸುನಿಲ್ ಚೆಟ್ರಿ ಅವರಿಗೆ ನಿರೀಕ್ಷೆಯಂತೆ ಅತ್ಯಧಿಕ ಬೇಡಿಕೆ ಕುದುರಿ 1.20 ಕೋಟಿ ರೂ.ಗೆ ಅವರು ಮುಂಬೈ ತಂಡದ ಪಾಲಾದರು. ಬಿಡ್‌ನಲ್ಲಿ ಮೂರನೇ ಅಧಿಕ ಮೊತ್ತಕ್ಕೆ ಮಾರಾಟವಾಗಿದ್ದು ಭಾರತ ತಂಡದ ಡಿಫೆಂಡರ್‌ ರಿನೊ ಅಂಟೊ. ಅವರನ್ನು ಹಾಲಿ ಐಎಸ್ಎಲ್ ಚಾಂಪಿಯನ್‌ ಅಟ್ಲೆಟಿಕೊ ಡಿ ಕೋಲ್ಕತಾ ತಂಡ 90 ಲಕ್ಷ ರೂ. ನೀಡಿ ಖರೀದಿಸಿತು. ಅವರ ಮೂಲ ಬೆಲೆ ಕೇವಲ 17 ಲಕ್ಷ ರೂ. ಆಗಿತ್ತು.
Advertisement