ನವದೆಹಲಿ: ಸ್ವಿಟ್ಜರ್ಲ್ಯಾಂಡ್ ನ ಮಾರ್ಟಿನಾ ಹಿಂಗಿಸ್ ಜೊತೆ ಬಿ ಎನ್ ಪಿ ಪರಿಬಾಸ್ ಪ್ರಶಸ್ತಿ ಗೆದ್ದ ನಂತರ ಈಗ ಸಾನಿಯಾ ಮಿರ್ಜಾ ತಮ್ಮ ವೃತ್ತಿಜೀವನದ ಅತ್ಯುತ್ತಮ ಡಬಲ್ಸ್ ರ್ಯಾಂಕಿಂಗ್ ಸ್ಥಾನ ಪೆದಿದ್ದಾರೆ. ಈಗ ಅವರದ್ದು ವಿಶ್ವ ಟೆನಿಸ್ ಡಬಲ್ಸ್ ರ್ಯಾಂಕಿಂಗ್ ಪಟ್ಟಿಯಲ್ಲಿ ಮೂರನೆ ಸ್ಥಾನ.
ಸಾನಿಯಾ ೬೮೮೫ ಅಂಕಗಳೊಂದಿಗೆ, ಇಟಲಿಯ ರಾಬರ್ಟಾ ವಿಂಚಿ ಮತ್ತು ಸಾರಾ ಎರ್ರಾನಿ (ಇಬ್ಬರದ್ದು ೭೬೪೦ ಅಂಕ) ಅವರ ನಂತರದ ಸ್ಥಾನ ಪಡೆದಿದ್ದಾರೆ.
"ನನ್ನ ವೃತ್ತಿಜೀವನದ ಅತ್ಯುತ್ತಮ ರ್ಯಾಂಕ್ ಗಳಿಸಲು ಥ್ರಿಲ್ ಆಗಿದ್ದೇನೆ. ನಂಬರ್ ೧ ಸ್ಥಾನಕ್ಕೆ ಏರುವುದು ಕನಸು, ಅದು ಕೂಡ ಒಂದು ದಿನ ಈಡೇರುತ್ತದೆ ಎಂಬುದು ನನ್ನ ನಂಬಿಕೆ" ಎಂದು ಅಮೆರಿಕಾದಿಂದ ಸಾನಿಯಾ ತಿಳಿಸಿದ್ದಾರೆ.
ಮತ್ತೊಬ್ಬ ಖ್ಯಾತ ಆಟಗಾರ ಲಿಯಾಂಡರ್ ಪೇಸ್ ಡಬಲ್ಸ್ ರ್ಯಾಂಕಿಗ್ ಪಟ್ಟಿಯಲ್ಲಿ ೨೫ನೆ ಸ್ಥಾನಕ್ಕೆ ಕುಸಿದ್ದಿದ್ದರೆ ಅವರ ನಂತರದ ಸ್ಥಾನ ರೋಹನ್ ಬೋಪಣ್ಣ ಅವರದ್ದು.
