ಕ್ರೀಡೆ
ಪ್ರಶಸ್ತಿ ಸುತ್ತಿಗೆ ವೀನಸ್ ವಿಲಿಯಮ್ಸ್
ಅಗ್ರಶ್ರೇಯಾಂಕಿತ ಟೆನಿಸ್ ಆಟಗಾರ್ತಿ, ಅಮೆರಿಕದ ವೀನಸ್ ವಿಲಿಯಮ್ಸ್ ಡಬ್ಲ್ಯೂಟಿಎ ಎಲೈಟ್ ಟ್ರೋಫಿ ಪಂದ್ಯಾವಳಿಯ ಫೈನಲ್ ಪ್ರವೇಶಿಸಿದ್ದಾರೆ...
ಜುಹಾಯ್(ಚೀನಾ): ಅಗ್ರಶ್ರೇಯಾಂಕಿತ ಟೆನಿಸ್ ಆಟಗಾರ್ತಿ, ಅಮೆರಿಕದ ವೀನಸ್ ವಿಲಿಯಮ್ಸ್ ಡಬ್ಲ್ಯೂಟಿಎ ಎಲೈಟ್ ಟ್ರೋಫಿ ಪಂದ್ಯಾವಳಿಯ ಫೈನಲ್ ಪ್ರವೇಶಿಸಿದ್ದಾರೆ. ಶನಿವಾರ ನಡೆದ ಉಪಾಂತ್ಯದ ಪಂದ್ಯದಲ್ಲಿ, ಟೂರ್ನಿಯ ನಾಲ್ಕನೇ ಶ್ರೇಯಾಂಕಿತೆ, ಇಟಲಿಯ ರಾಬರ್ಟಾ ವಿನ್ಸಿ ವಿರುದ್ಧ ಸೆಣಸಿದ ಅವರು, 6-2, 6-2 ನೇರ ಸೆಟ್ಗಳಲ್ಲಿ ಜಯಗಳಿಸಿ, ಪ್ರಶಸ್ತಿ ಸುತ್ತಿಗೆ ಕಾಲಿಟ್ಟರು. ಕೇವಲ 65 ನಿಮಿಷಗಳ ಕಾಲ ನಡೆದ ಪಂದ್ಯದ ಆರಂಭದಿಂದಲೂ ಉತ್ತಮ ಫಾರ್ಮ್ ಪ್ರದರ್ಶಿಸಿದ ವೀನಸ್, ಬಹುಬೇಗನೇ ಇಟಲಿ ಆಟಗಾರ್ತಿಯ ವಿರುದ್ಧ ಪ್ರಭುತ್ವ ಸಾಧಿಸಿದರು. ರಾಬೆರ್ಟಾ ಅವರಿಂದ ಅಲ್ಲಲ್ಲಿ ಪ್ರತಿರೋಧ ಎದುರಿಸಿದರೂ, ಜಯ ಗಳಿಸುವಲ್ಲಿ ವೀನಸ್ ಯಶಸ್ವಿಯಾದರು.