ಸ್ವಚ್ಚ ಭಾರತ ಅಭಿಯಾನ ಗೀತೆಗೆ ಧ್ವನಿಗೂಡಿಸಲಿರುವ ಸಚಿನ್ ತೆಂಡೂಲ್ಕರ್

ನವದೆಹಲಿ: ಭಾರತದ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಸ್ವಚ್ಚ ಭಾರತ ಗೀತೆಗೆ ಧ್ವನಿಗೂಡಿಸಲಿದ್ದಾರೆ.

ಸ್ವಚ್ಚ ಭಾರತ ಅಭಿಯಾನದ ಅರಿವು ಮೂಡಿಸು ಸಲುವಾಗಿ ಸಿದ್ಧವಾಗುತ್ತಿರುವ ಗೀತೆಗೆ ಧ್ವನಿಯಾಗುತ್ತಿದ್ದು, ಈ ಮೂಲಕ ಜನರಲ್ಲಿ ಸ್ವಚ್ಛತೆಯ ಬಗ್ಗೆ ಅರಿವು ಮೂಡಿಸುವ ಕಾರ್ಯಕ್ಕೆ ಮುಂದಾಗಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ ಚಾಲನೆ ನೀಡಿದ ‘ಸ್ವಚ್ಛ ಭಾರತ ಅಭಿಯಾನ’ದ ಕುರಿತು ಈಗಾಗಲೇ ಎಲ್ಲೇಡೆ ಪ್ರಚಾರ ಮಾಡಲಾಗುತ್ತಿದೆ. ಈ ಸ್ವಚ್ಛ ಭಾರತ ಗೀತೆಯ ಸಾಹಿತ್ಯವನ್ನು ಪರ್ಸೂನ್ ಜೋಷಿ ರಚಿಸಿದ್ದು, ಶಂಕರ್-ಎಸಾನ್-ಲಾಯ್ ಗೀತೆಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಶಂಕರ್ ಮಹದೇವನ್ ಮತ್ತು ಸಂಗಡಿಗರು ಹಾಡಿರುವ ಈ ಹಾಡಿನ ನಡುವೆ ಬರುವು ಕೆಲವು ಸ್ಫೂರ್ತಿದಾಯಕ ವಾಕ್ಯಗಳಿದ್ದು, ಅದಕ್ಕೆ ಸಚಿನ್ ಧ್ವನಿ ನೀಡಲಿದ್ದಾರೆ.

ಮಹಾತ್ಮ ಗಾಂಧಿಜೀ ಹುಟ್ಟುಹಬ್ಬದ ಅಂಗವಾಗಿ ಅಕ್ಟೋಬರ್ 2 ರಂದು ಈ ಗೀತೆ ಬಿಡುಗಡೆಯಾಗಲಿದ್ದು, ಇದರ ವಿಡಿಯೋ ರೂಪ ಸಹ ಸಿದ್ದವಾಗಿದೆ ಎನ್ನಲಾಗಿದೆ.