ರಿಯೊ ಡಿ ಜನೈರೊ: ಮಹಿಳೆಯರ 10 ಮೀಟರ್ ಏರ್ ರೈಫಲ್ ಅಂತಿಮ ಸುತ್ತು ಪ್ರವೇಶಿಸಲು ಭಾರತದ ಶೂಟರ್ ಗಳಾದ ಅಪೂರ್ವಿ ಚಂಡೇಲಾ ಮತ್ತು ಅಯೊನಿಕಾ ಪೌಲ್ ವಿಫಲರಾಗಿದ್ದಾರೆ.ಈ ಮೂಲಕ 2014ರ ಕಾಮನ್ವೆಲ್ತ್ ಗೇಮ್ಸ್ ನಲ್ಲಿ ಚಿನ್ನ ಮತ್ತು ಬೆಳ್ಳಿ ಪದಕ ಗಳಿಸಿದ್ದ ಚಂಡೇಲಾ ಮತ್ತು ಪೌಲ್ ಅವರ ಮೇಲಿದ್ದ ನಿರೀಕ್ಷೆ ನಿರಾಸೆಯುಂಟಾಗಿದೆ.
ಒಟ್ಟು 51 ಸ್ಪರ್ಧಿಗಳಲ್ಲಿ ಚಂಡೇಲಾ 411.6ರ ಅಂಕಗಳೊಂದಿಗೆ 34ನೇ ಸ್ಥಾನಕ್ಕೆ ತೃಪ್ತಿಪಟ್ಟರು. ಪೌಲ್ ಅವರು 403 ಅಂಕಗಳೊಂದಿಗೆ 47ನೇ ಸ್ಥಾನಕ್ಕೆ ಕುಸಿದರು.
ಚೀನಾದ ಲಿ ಡು 420.7 ಅಂಕ ಗಳಿಸುವ ಮೂಲಕ ಮುಂಚೂಣಿಯಲ್ಲಿದ್ದಾರೆ. ಇನ್ನು ಅಂತಿಮ ಸುತ್ತಿಗೆ ಹೋದ ಏಳು ಮಂದಿ, ಜರ್ಮನಿಯ ಬರ್ಬರಾ ಎಂಗ್ಲೆಡರ್, ಇರಾನ್ ನ ಎಲಹೆಹ್ ಅಹ್ಮದಿ, ರಷ್ಯಾದ ದರಿಯಾ ಡೊವಿನಾ, ಅಮೆರಿಕಾದ ವರ್ಜಿನಾ ತ್ರಾಶರ್, ಪೋಲೆಂಡ್ ನ ಸ್ನೆಜಾನಾ ಪೆಜ್ ಕಿಕ್ ಮತ್ತು ಚೀನಾದ ಸಿಲಿಂಗ್ ಯಿ ಆಗಿದ್ದಾರೆ.
