ತ್ಯಾಗರಾಜ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ 10 ಸುತ್ತುಗಳ ಕಠಿಣ ಹೋರಾಟದ ಪಂದ್ಯದಲ್ಲಿ ವಿಜೇಂದರ್ ಸಿಂಗ್ ವೇಲ್ಸ್ ಮೂಲದ ಅಸೀಸ್ ಬಾಕ್ಸರ್ ಕೆರ್ರಿ ಹೋಪ್ ರನ್ನು ಮಣಿಸಿದ್ದರು. ಇನ್ನು ಬಾಕ್ಸಿಂಗ್ ಕಣದಲ್ಲಿ ವಿಜಿಗೆ ಇದು ಸತತ 7ನೇ ಗೆಲುವಾಗಿತ್ತು. ಈ ಹಿಂದಿನ ಆರು ಪಂದ್ಯಗಳಲ್ಲಿ ನಾಕೌಟ್ ಮೂಲಕ ಗೆಲುವು ಸಾಧಿಸಿದ್ದ ವಿಜಿ ಇದೇ ಮೊದಲ ಬಾರಿಗೆ ಬಾಕ್ಸಿಂಗ್ ರಿಂಗ್ ನಲ್ಲಿ ಗರಿಷ್ಠ ಸಮಯ ಫೈಟ್ ಮಾಡಿದ್ದರು. 6 ಅಡಿ ಎತ್ತರದ ವಿಜೇಂದರ್ 98-92, 98-92, 100-90 ರಿಂದ ಗೆಲುವು ಸಾಧಿಸಿದ್ದಾರೆ.