ಆಸ್ಟ್ರೇಲಿಯನ್ ಓಪನ್ ಪುರುಷರ ಡಬಲ್ಸ್ ನಿಂದ ಪೇಸ್ ಹೊರಕ್ಕೆ

ಮೆಲ್ಬರ್ನ್: ಭಾರತದ ಟೆನಿಸ್ ಡಬಲ್ಸ್ ಆಟಗಾರ ಲಿಯಾಂಡರ್ ಪೇಸ್ ಮತ್ತು ಅವರ ಬ್ರೆಜಿಲಿಯನ್ ಜೋಡಿ ಆಂಡ್ರೇ ಸಾ ಆಸ್ಟ್ರೇಲಿಯನ್ ಓಪನ್ ಪುರುಷರ ಡಬಲ್ಸ್ ನಿಂದ ಹೊರಬಿದ್ದಿದ್ದಾರೆ. ಬೆಲಾರಸ್ ನ ಮ್ಯಾಕ್ಸ್ ಮಿರ್ನ್ಶಿ ಮತ್ತು ಫಿಲಿಪ್ಪಿನ್ಸ್ ನ ಟ್ರೀಟ್ ಹುಯೇ ಅವರ ಎದುರು ೬-೪, ೬-೭(೩), ೪-೬ ರಲ್ಲಿ ಮೊದಲ ಸುತ್ತಿನಲ್ಲೇ ಗುರುವಾರ ಸೋಲು ಅನುಭವಿಸಿದ್ದಾರೆ. 

ಎರಡು ಘಂಟೆ ೧೩ ನಿಮಿಷಗಳ ಕಾಲ ನಡೆದ ಈ ಪಂದ್ಯದಲ್ಲಿ ೧೦ ನೇ ಶ್ರೇಯಾಂಕದ ಡಬಲ್ಸ್ ಜೋಡಿಗೆ ಇಂಡೋ-ಬ್ರೆಜಿಲಿಯನ್ ಜೋಡಿ ಸೋಲುಂಡಿದೆ. 

ಆಸ್ಟ್ರೇಲಿಯನ್ ಓಪನ್ ನಲ್ಲಿ ಪೇಸ್ ಮಿಶ್ರ ಡಬಲ್ಸ್ ನಲ್ಲಿ ಮಾರ್ಟಿನಾ ಹಿಂಗಿಸ್ ಜೊತೆಗೆ ಶುಕ್ರವಾರ ಸೆಣಸಲಿದ್ದಾರೆ.