ಮೆಕ್ಸಿಕೋ ಐಎಸ್ ಎಸ್ ಎಫ್ ವಿಶ್ವಕಪ್ : ಶೂಟಿಂಗ್ ನಲ್ಲಿ ಭಾರತಕ್ಕೆ ಒಂದು ಚಿನ್ನ, ಎರಡು ಕಂಚು

ಮೆಕ್ಸಿಕೊ :ಇಲ್ಲಿ ನಡೆದ  ಐಎಸ್ ಎಸ್ ಎಫ್ ವಿಶ್ವಕಪ್ ನ ಅಂತಿಮ ಪಂದ್ಯದಲ್ಲಿ ಶೂಟರ್ ಷಹಜರ್ ರಿಜ್ವಿ  ಭಾರತಕ್ಕೆ ಚಿನ್ನ ತಂದುಕೊಟ್ಟಿದ್ದಾರೆ. ಜೀತು ರಾಯ್ ಹಾಗೂ ಮೆಹುಲಿ ಘೋಷ್  ತಲಾ ಒಂದು  ಕಂಚಿನ ಪದಕ ಪಡೆದುಕೊಂಡಿದ್ದಾರೆ.

ಮೀರತ್ ಮೂಲದ ರಿಜ್ವಿ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಯ ಫೈನಲ್ ಪಂದ್ಯದಲ್ಲಿ ಜರ್ಮನಿಯ  ಕ್ರಿಸ್ಟಿಯಾನ್ ರಿಟ್ಜ್ ವಿರುದ್ಧ  242.3 ಅಂಕ ಪಡೆದು ಚಿನ್ನದ ಪದಕ ಮುಡಿಗೇರಿಸಿಕೊಂಡರು.

ಮಹಿಳೆಯರ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ ಮೆಹುಲಿ,  228.4 ಅಂಕ ಪಡೆದರೆ, ಜೀತುರಾಯ್  219 ಅಂಕ ಪಡೆದು ಕಂಚಿನ ಪದಕ ಪಡೆದುಕೊಂಡರು.ಮೊದಲ ವಿಶ್ವಕಪ್ ನ ಪಂದ್ಯದಲ್ಲಿ ಭಾರತದಿಂದ ಮೂವರು ಶೂಟರ್ ಗಳು ಸ್ಪರ್ಧಿಸಿದ್ದರು. 


 ಅಂಜುಮ್ ಮೊದ್ಗಿಲ್  208. 6 ಅಂಕ ಕಲೆಹಾಕಿದರೆ, ಓಂ ಪ್ರಕಾಶ್ ಮಿಥರ್ವಾಲ್ , 198.4 ಅಂಕ ಗಿಟ್ಟಿಸಿ ನಾಲ್ಕನೇ ಸ್ಥಾನ ಪಡೆದುಕೊಂಡರು.