3ನೇ ಆವೃತ್ತಿಯ ಖೇಲೋ ಇಂಡಿಯಾ ಯೂಥ್ ಗೇಮ್ಸ್‌‌ಗೆ ಭರದ ಸಿದ್ಧತೆ

ದಿಸ್ಪೂರ್: ಕಳೆದ ಎರಡು ಆವೃತ್ತಿಗಳನ್ನು ಯಶಸ್ವಿಯಾಗಿ ಪೂರೈಸಿರುವ ಖೇಲೋ ಇಂಡಿಯಾ ಇಂಡಿಯಾ ಯುವ ಕ್ರೀಡಾಕೂಟ ಮೂರನೇ ಋತು ಮುಂದಿನ ವರ್ಷ ಜನವರಿ 10 ರಿಂದ 29ರವರಗೆ ಗುವಾಹಟಿಯಲ್ಲಿ ನಡೆಯಲಿದ್ದು, ಈಗಾಗಲೇ ಪೂರ್ವ ಸಿದ್ಧತೆ ಆರಂಭಗೊಂಡಿದೆ.

ಸುದ್ದಿಗೋಷ್ಠಿಯಲ್ಲಿ ಅಸ್ಸಾಂನ  ಯುವಜನ ಸೇವಾ ಹಾಗೂ ಕ್ರೀಡಾ ಇಲಾಖೆಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅವಿನಾಶ್ ಜೋಷಿ ಮಾತನಾಡಿ, ದೇಶದ ದೊಡ್ಡ ಕ್ರೀಡಾಕೂಟ ಗುವಾಹಟಿ ಸಾಕ್ಷಿಯಾಗಲಿದೆ ಎಂದರು.

‘‘ಕಳೆದ ಎರಡು ಆವೃತ್ತಿಗಳಿಗಿಂತ ಮೂರನೇ ಋತುವು  ಉತ್ತಮ ಹಾಗೂ ದೊಡ್ಡ ಕ್ರೀಡಾಕೂಟವಾಗಲಿದೆ. 6,800 ಅಥ್ಲಿಟ್‌ಗಳು ಹಾಗೂ 3,000 ಸಹಾಯಕ ಸಿಬ್ಬಂದಿ, ಕೋಚ್‌ಗಳು ಹಾಗೂ ವ್ಯವಸ್ಥಾಪಕರು ಅಂಗಳದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ದೇಶ ಅತಿ ದೊಡ್ಡ ಕ್ರೀಡಾಕೂಟವಾಗಿ ತೀವ್ರ ಸಂಚಲನ ಮೂಡಿಸಲಿದೆ,’’ ಎಂದು ಅವರು ತಿಳಿಸಿದ್ದಾರೆ.