ನಂತರ, ಸುದ್ದಿಗಾರರೊಂದಿಗೆ ಮಾತನಾಡಿದ ಸಿಂಧು, ಇದೊಂದು ಅದ್ಭುತ ಅನುಭವ. ಮಹಿಳಾ ದಿನದ ಅಂಗವಾಗಿ ನನಗೆ ಈ ಹಾರಾಟದ ಅನುಭವ ನೀಡಿದ ಡಿಆರ್ ಡಿಒ ಹಾಗೂ ವಾಯುಪಡೆಗೆ ಧನ್ಯವಾದಗಳು. ವಿಮಾನದ ಹಾರಾಟದ ಜೊತೆಗೆ, ಹಲವು ಕಸರತ್ತುಗಳನ್ನು ಕೂಡ ನಡೆಸಿದ್ದು ಮುಧ ನೀಡಿತು.ಇದೇ ಮೊದಲ ಬಾರಿಗೆ ಮಹಿಳಾ ಕ್ರೀಡಾಪಟುವಿಗೆ ಯುದ್ಧ ವಿಮಾನದಲ್ಲಿ ಹಾರಾಟ ನಡೆಸಲು ಅವಕಾಶ ದೊರೆತಿದೆ. ಇದನ್ನು ನಾನು ಎಂದಿಗೂ ಮರೆಯುವುದಿಲ್ಲ ಎಂದು ತಿಳಿಸಿದರು.
ವಿಂಗ್ ಕಮಾಂಡರ್ ಸಿದ್ಧಾರ್ಥ ಮಾತನಾಡಿ, ಆರಂಭದಲ್ಲಿ ನಾವು ಸಣ್ಣ ಪುಟ್ಟ ಕಸರತ್ತುಗಳನ್ನು ನಡೆಸಿದೆವು. ಸಿಂಧು ಅವರು ಇದಕ್ಕೆ ಹೊಂದಿಕೊಳ್ಳುತಾರೆಯೇ ಎಂದು ಪರಿಶೀಲಿಸಬೇಕಿತ್ತು. ಆದರೆ, ಅವರು ಬಹುಬೇಗ ಕಸರತ್ತುಗಳಿಗೆ ಹೊಂದಿಕೊಂಡಿದ್ದರಿಂದ ನಂತರ ಕಠಿಣ ಕಸರತ್ತುಗಳನ್ನು ಕೂಡ ನಡೆಸಿದೆವು ಎಂದರು.
