ಅಲ್ ರಯಾನ್(ಕತಾರ್): ಫೀಫಾ ವಿಶ್ವಕಪ್ ನ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಐದು ಬಾರಿಯ ಚಾಂಪಿಯನ್ ಬ್ರೆಜಿಲ್ ತಂಡವನ್ನು ಪೆನಾಲ್ಟಿಯಲ್ಲಿ 4-2 ಗೋಲುಗಳಿಂದ ಮಣಿಸಿ ಕ್ರೊವೇಷಿಯಾ ಆಘಾತ ನೀಡಿದೆ.
ಕ್ರೊಯೇಷಿಯಾದ ಗೋಲ್‌ಕೀಪರ್ ಡೊಮಿನಿಕ್ ಲಿವ್ಕೊವಿಕ್ ರೋಡ್ರಿಗೋ ಅವರು ಬ್ರೆಜಿಲ್ ನ ಮಾರ್ಕ್ವಿನೋಸ್ ಅವರ ಗೋಲುಗಳನ್ನು ಉಳಿಸಿದರು. ಮೊದಲಾರ್ಧದ ಹೆಚ್ಚುವರಿ ಸಮಯದಲ್ಲಿ ನೇಮರ್ ಬ್ರೆಜಿಲ್‌ಗೆ ಮುನ್ನಡೆ ತಂದುಕೊಟ್ಟರು. ಆದರೆ ಬ್ರೂನೋ ಪೆಟ್ಕೊವಿಕ್ ಅವರ 117ನೇ ನಿಮಿಷದಲ್ಲಿ ಕ್ರೊಯೇಷಿಯಾ ಗೋಲು ಗಳಿಸಿ ಸಮಬಲ ಸಾಧಿಸಿತು.
ಅರ್ಜೆಂಟೀನಾ ಮತ್ತು ನೆದರ್ಲೆಂಡ್ಸ್ ನಡುವಿನ ಕ್ವಾರ್ಟರ್ ಫೈನಲ್‌ನಲ್ಲಿ ಗೆದ್ದವರ ವಿರುದ್ಧ ಕ್ರೊಯೇಷಿಯಾ ಸೆಣೆಸಲಿದೆ. ಈ ಸೋಲು ಬ್ರೆಜಿಲ್‌ನ 20 ವರ್ಷಗಳ ಕಾಯುವಿಕೆಯನ್ನು ಇನ್ನೂ ನಾಲ್ಕು ವರ್ಷಗಳವರೆಗೆ ವಿಸ್ತರಿಸಿದೆ. ಪಂದ್ಯದ ಮೊದಲ 90 ನಿಮಿಷಗಳಲ್ಲಿ ಎರಡೂ ತಂಡಗಳು ಗೋಲು ಗಳಿಸಲು ಸಾಧ್ಯವಾಗಲಿಲ್ಲ. ಬಳಿಕ ಪಂದ್ಯದ ನಿಯಮದ ಪ್ರಕಾರ 30 ನಿಮಿಷ ಹೆಚ್ಚುವರಿ ಸಮಯ ನೀಡಲಾಯಿತು. ಈ ಹೆಚ್ಚುವರಿ ಸಮಯದ ಮೊದಲಾರ್ಧದಲ್ಲಿ ನೇಮರ್ ಗೋಲು ಗಳಿಸಿ ಬ್ರೆಜಿಲ್ ಮುನ್ನಡೆ ತಂದುಕೊಟ್ಟರು.
ಹೆಚ್ಚುವರಿ ಸಮಯದ ಕೊನೆಯಲ್ಲಿ ಕ್ರೊಯೇಷಿಯಾ ಸಹ ಒಂದು ಗೋಲು ಬಾರಿಸಿದ್ದು ಪಂದ್ಯ ಡ್ರಾ ಆಯಿತು. ನಂತರ ಕ್ರೊಯೇಷಿಯಾ ಬ್ರೆಜಿಲ್ ವಿರುದ್ಧ ಪೆನಾಲ್ಟಿಯಲ್ಲಿ 4-2ರಿಂದ ಗೆದ್ದಿತು.
Advertisement