ಬೇಸಿಗೆ ಕಾಲದಲ್ಲಿ ಒಣಗಿದ್ದ ಮರದ ಕೊಂಬೆಯೊಂದಕ್ಕೆ ಅಂಟಿಕೊಂಡು ತಲೆ ಎತ್ತಿ ಬಾಲವನ್ನು ಅಲ್ಲಾಡಿಸದೆ ಊಸರವಳ್ಳಿಯೊಂದು ತನ್ನ ಬಣ್ಣ ಬದಲಾಯಿಸಿತು.
ಹಚ್ಚಹಸುರನ್ನು ಕಾಣುವ ಹಂಬಲ ಮನಸ್ಸಲ್ಲಿ. ಬಣ್ಣಗುಂದಿದ ತನ್ನ ದೇಹಕ್ಕೆ ಹಸಿರಿನ ಸ್ಪರ್ಶನೀಡುವ ಹಪಾಹಪಿ. ಆದರೇನು ಮಾಡುವುದು?
ತನ್ನ ಸುತ್ತಲಿರುವ ಮನುಷ್ಯ ತನ್ನ ಬಣ್ಣವನ್ನು ಬದಲಾಯಿಸುವುದನ್ನು ನೋಡಿದಾಗ ದಿಗ್ಬ್ರಮೆ.
ಅರಿಶಿನ, ಹಸಿರು, ಕಪ್ಪು, ಕೆಂಪು... ಸಾಕೋ ಸಾಕಪ್ಪಾ ಈ ಬಣ್ಣ ಬದಲಾವಣೆ... ನನ್ನನ್ನೇ ನಾಚಿಸುವಂತಿದೆಯಲ್ಲಾ!!
ಒಣಗಿದ ಕೊಂಬೆಯಂತಿರುವ ಮಾಸಿದ ಬಣ್ಣ ಸಾಕಾದಾಗ, ಹತ್ತಿರವೇ ಇದ್ದ ಹಸಿರು ಹುಲ್ಲಿಗೆ ಜಿಗಿದದ್ದಾಯ್ತು.
ಹಸಿರು ಬಣ್ಣವೂ ಬೇಜಾರು ಎಂದೆನಿಸಿದಾಗ, ಮಣ್ಣಿನಲ್ಲಿ ಮಿಂದು ಕೆಂಪು ಬಣ್ಣ ಮೆತ್ತಿಕೊಂಡಿತು.
ಆಮೇಲೆ ಹುಲ್ಲುಗಾವಲಿಗೆ ಜಿಗಿದಾಗ, ಹಸಿರು ಎಂಬುದು ಮರೀಚಿಕೆಯೆಂಬಂತೆ ಕಂಡುಬಂತು.
ಆಮೇಲೆ ನಾಲಗೆ ಹೊರಗೆ ಹಾಕಿ, ಕಣ್ಣರಳಿಸಿ ಅದು ತಲೆಯೆತ್ತಿ ಮಣ್ಣಿನ ಬಣ್ಣಕ್ಕೇ ಹೊಂದಿಕೊಂಡು ಸಾಗಿತು.
- ರಶ್ಮಿ ಕಾಸರಗೋಡು
