ಚೆನ್ನೈ: ಜನ ಮಳೆಯಿಂದ ತತ್ತರಿಸಿರುವಾಗಲೇ, ಬುಧವಾರ ರಾತ್ರಿ ಮುನ್ಸೂಚನೆ ನೀಡದೇ ಚೆಂಬಾರಂಬಕ್ಕಂ ಸರೋವರದಿಂದ ಹೆಚ್ಚುವರಿ ನೀರನ್ನು ಹೊರಬಿಟ್ಟ ಪರಿಣಾಮ, ಹೊಸ ಪ್ರದೇಶಗಳು ಜಲಾವೃತವಾಗಿವೆ.
ಸರೋವರದಿಂದ 30 ಸಾವಿರ ಕ್ಯುಸೆಕ್ ನೀರು ಹೊರಬಿಡಲಾಗಿದ್ದು, ಕೋಡಂಬಕ್ಕಂ, ಟಿ ನಗರ ಮತ್ತು ಅಶೋಕನಗರಗಳಲ್ಲಿ ಪ್ರವಾಹ ಸ್ಥಿತಿ ತಲೆದೋರಿದೆ.
ಈ ನಡುವೆ, ಧಾರಾಕಾರ ಮಳೆಯಿಂದಾಗಿ ಪುದುಚೇರಿಯಲ್ಲಿ 400ಕ್ಕೂ ಹೆಚ್ಚು ಮನೆಗಳಿಗೆ ಹಾನಿಯಾಗಿವೆ. ಸಾವಿರಕ್ಕೂ ಹೆಚ್ಚು ಮಂದಿಯನ್ನು ಸ್ಥಳಾಂತರಿಸಲಾಗಿದೆ.
