ಮಕ್ಕಳಿಲ್ಲದ ತನ್ನ ಗೆಳೆಯನಿಗೆ ಉಡುಗೊರೆ ನಿಡಲು ನಾಲ್ಕು ತಿಂಗಳ ಗಂಡು ಮಗುವೊಂದನ್ನು ಅಪಹರಿಸಿದ್ದ ಮಹಿಳೆಯನ್ನು ದಬೀರಪುರದ ಪೋಲಿಸರು ಬುಧವಾರ ಬಂಧಿಸಿದ್ದಾರೆ. ಮಗುವನ್ನು ಅವರ ಪೋಷಕರಿಗೆ ಹಿಂದಿರುಗಿಸಲಾಗಿದೆ.
ಪೊಲೀಸರ ಪ್ರಕಾರ ಆಪಾದಿತೆ ದೋಮಲಪಾಳ್ಯ ಭಾಗ್ಯ, ಗ್ರೇಟ್ ಹೈದರಾಬಾದ್ ಮಹಾನಗರ ಪಾಲಿಕೆಯ ಗುತ್ತಿಗೆ ನೌಕರಳು. ಸಿಸಿಟಿವಿಯ ಜಾಡು ಹಿಡಿದು ಪೊಲೀಸರು ಅವಳನ್ನು ಬಂಧಿಸಿದ್ದಾರೆ.
ಮಗುವಿನ ತಾಯಿ ಮಂಜುಲಥಾ, ಸಚಿನ್ ಅವರ ಪತ್ನಿ ಕರ್ನಾಟಕದ ಹುಬ್ಬಳ್ಳಿ ಮೂಲದವರು ಹಾಗೂ ಭಿಕ್ಷಾಟನೆ ಮಾಡಿ ಜೀವನ ಸಾಗಿಸುತ್ತಿದ್ದರು ಎಂದು ತಿಳಿದುಬಂದಿದೆ.
ಜುಲೈ ೫ ರಂದು ದಬೀಪುರ ಫೈ ಓವರ್ ಕಳಗಿನ ಆಟೋ ರಿಪೇರಿ ಅಂಗಡಿಯ ಹಿಂದೆ ಮಗುವಿನೊಂದಿಗೆ ಪೋಷಕರು ಮಲಗಿದ್ದಾಗ, ಮಗು ಮಹೇಶ್ ಕಾಣೆಯಾಗಿದೆ. ನಂತರ ಜುಲೈ ೧೦ ರಂದು ಪೊಲೀಸರಿಗೆ ದೂರು ನೀಡಿದ್ದಾರೆ.
ಸಿಸಿಟಿವಿಯಲ್ಲಿ ಭಾಗ್ಯ ಸುಮಾರು ಬೆಳಗ್ಗೆ ೬ ಘಂಟೆಗೆ ಮಗುವನ್ನು ಅಪಹರಿಸುತ್ತಿದ್ದು ದಾಖಲೆಯಾಗಿದೆ. ತನ್ನ ಮಾಜಿ ಮೇಲ್ವಿಚಾರಣಾಧಿಕಾರಿ ನರಸಿಂಹ ಎಂಬುವವನ ಜೊತೆ ಗೆಳೆತನ ಸಾಧಿಸಿದ್ದ ಭಾಗ್ಯ, ನರಸಿಂಹನಿಗೆ ಮಕ್ಕಳಿಲ್ಲದ ಕೊರಗನ್ನು ನೀಗಿಸಲು ಈ ಕೃತ್ಯ ಎಸಗಿರುವುದಾಗಿ ಹೇಳಿಕೊಂಡಿದ್ದಾಳೆ. ಇದು ನರಸಿಂಹನೀಗೂ ತಿಳಿದಿತ್ತು ಹಾಗೂ ಅವನೂ ಇದರಲ್ಲಿ ಭಾಗಿಯಾಗಿದ್ದನು ಎಂದು ತಿಳಿದುಬಂದಿದೆ.
ಭಾಗ್ಯ, ನರಸಿಂಗ ಮತ್ತೊಬ್ಬ ಗೆಳೆಯ ರಾಮುಲು ಇವರನ್ನು ಪೊಲೀಸರು ಬಂಧಿಸಿದ್ದಾರೆ.
Advertisement