ಕೋಲ್ಕತ್ತಾ: ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ವಿರುದ್ಧ ನೀಡಿದ್ದ ಪ್ರತಿಕ್ರಿಯೆಗಳಿಗೆ ರಾಜ್ಯದ ಬಿಜೆಪಿ ಅಧ್ಯಕ್ಷ ದಿಲೀಪ್ ಘೋಷ್ ಕ್ಷಮೆ ಕೋರಿದ್ದಾರೆ.
"ನಾನು ಯಾರ ಭಾವನೆಗಳನ್ನು ಘಾಸಿಗೊಳಿಸಲು ಇಚ್ಚಿಸಿರಲಿಲ್ಲ. ನನ್ನ ಪ್ರತಿಕ್ರಿಯೆಯಿಂದ ನಮ್ಮ ಗೌರವಾನ್ವಿತ ಮುಖ್ಯಮಂತ್ರಿಯವರಿಗೆ ಅವಮಾನವಾಗಿದ್ದರೆ, ನನಗೆ ಕ್ಷಮೆ ಕೇಳುವುದಕ್ಕೆ ಯಾವುದೇ ತೊಂದರೆ ಇಲ್ಲ" ಎಂದು ಘೋಷ್ ಪತ್ರಿಕಾ ಗೋಷ್ಠಿಯಲ್ಲಿ ಹೇಳಿದ್ದಾರೆ.
ಸಾಮಾನ್ಯವಾಗಿ ವಿವಾದಾತ್ಮಕ ಮಾತುಗಳನ್ನು ಹರಿದುಬಿಡುವುದಕ್ಕೆ ಹೆಸರುವಾಸಿಯಾದ ಘೋಷ್, ನೋಟು ಹಿಂಪಡೆತ ಕ್ರಮವನ್ನು ಉಗ್ರವಾಗಿ ಟೀಕಿಸುತ್ತಿರುವ ಮಮತಾ ವಿರುದ್ಧವೂ ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದರು.
ಬ್ಯಾನರ್ಜಿ ವಿರುದ್ಧ 'ಅವಹೇಳನಕಾರಿ' ಮತ್ತು 'ತೀವ್ರ ಅಪಾಯಕಾರಿ' ವೈಯಕ್ತಿಕ ಹೇಳಿಕೆಗಳನ್ನು ನೀಡಿದ್ದಕ್ಕೆ ತೃಣಮೂಲ ಕಾಂಗ್ರೆಸ್ ಘೋಷ್ ಅವರನ್ನು ಖಂಡಿಸಿತ್ತು.
