ದಲಿತ ಅಂಗನವಾಡಿ ಮಹಿಳೆಯ ಜೊತೆ ಅನುಚಿತ ವರ್ತನೆ; ಗ್ರಾಮ ಮುಖ್ಯಸ್ಥ ಸೇರಿ ಮೂವರ ವಿರುದ್ಧ ಪ್ರಕರಣ

ಮುಜಫರ್ ನಗರ: ದಲಿತ ಅಂಗನವಾಡಿ ಕಾರ್ಯಕರ್ತೆಯ ಜೊತೆಗೆ ಅನುಚಿತವಾಗಿ ವರ್ತಿಸಿದ ಆರೋಪದಲ್ಲಿ ಚಾರ್ಥವಾಲ್ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿರುವ ನಿಯಮು ಗ್ರಾಮದಲ್ಲಿ ಗ್ರಾಮ ಮುಖ್ಯಸ್ಥ ಮತ್ತು ಅವರ ಇಬ್ಬರು ಬೆಂಬಲಿಗರ ಮೇಲೆ ಪ್ರಕರಣ ದಾಖಲಿಸಕೊಳ್ಳಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ. 

ನಿಯಮು ಗ್ರಾಮಪ್ರಧಾನ ಲಿಯಾಖತ್ ಅಲಿ ಮತ್ತು ಅವರ ಬೆಂಬಲಿಗರಾದ ಇಮ್ತಿಯಾಜ್ ಹಾಸನ್ ಹಾಗು ಜಾವೇದ್ ವಿರುದ್ಧ ಕಳೆದ ಸಂಜೆ ಪ್ರಕರಣ ದಾಖಲಿಸಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದು, ಅಲಿ ತಮ್ಮ ಜೊತೆಗೆ ಅನುಚಿತವಾಗಿ ವರ್ತಿಸಿ, ತಮ್ಮ ವಿರುದ್ಧ ನೀಚತನದ ಮಾತುಗಳನ್ನು ಬಳಸಿದರು ಎಂದು ಮಹಿಳೆ ದೂರು ನೀಡಿರುವುದಾಗಿ ಹೇಳಿದ್ದಾರೆ. 

ಹಲವು ಅಂಗನವಾಡಿ ಕಾರ್ಯಕರ್ತೆಯರು ಆರೋಪಿಗಳ ವಿರುದ್ಧ ಕ್ರಮ ತೆಗೆದುಕೊಳ್ಳುವಂತೆ ಪೋಲೀಸರ ಬಳಿ ಬಂದಿದ್ದರು ಎಂದು ಅವರು ತಿಳಿಸಿದ್ದು ಈ ಸಂಬಂಧವಾಗಿ ಇನ್ನು ಯಾರನ್ನು ಬಂಧಿಸಿಲ್ಲ.