ನವದೆಹಲಿ: ಅಚ್ಚರಿಯ ನಡೆಯಲ್ಲಿ, ನಜೀಬ್ ಜಂಗ್ ದೆಹಲಿಯ ಲೆಫ್ಟಿನೆಂಟ್ ಗವರ್ನರ್ ಸ್ಥಾನಕ್ಕೆ ಗುರುವಾರ ರಾಜೀನಾಮೆ ನೀಡಿದ್ದಾರೆ.
ದೆಹಲಿಯ ಲೆಫ್ಟಿನೆಂಟ್ ಗವರ್ನರ್ ಆಗಿರುವಾಗ ನೀಡಿದ ಎಲ್ಲ ಸಹಕಾರಕ್ಕಾಗಿ ನಜೀಬ್ ಗೌರವಾನ್ವಿತ ಪ್ರಧಾನಿಯವರಿಗೆ ಧನ್ಯವಾದ ಹೇಳಿದ್ದಾರೆ.
ಯಾವಾಗಲೂ ಅದರಲ್ಲೂ ದೆಹಲಿಯಲ್ಲಿ ಹೇರಲಾಗಿದ್ದ ಒಂದು ವರ್ಷದ ರಾಷ್ಟ್ರಪತಿ ಆಡಳಿತದ ಸಮಯದಲ್ಲಿ ನೀಡಿದ ಬೆಂಬಲ ಮತ್ತು ಪ್ರೀತಿಗಾಗಿ ದೆಹಲಿಯ ಜನರಿಗೆ ನಜೀಬ್ ಧನ್ಯವಾದ ಹೇಳಿದ್ದಾರೆ. ಇದರಿಂದ ದೆಹಲಿ ಆಡಳಿತವನ್ನು ಸರಾಗವಾಗಿ ನಡೆಸಲು ಸಾಧ್ಯವಾಗಿದ್ದಾಗಿ ತಿಳಿಸಿದ್ದಾರೆ.
ಕಳೆದ ಎರಡು ವರ್ಷಗಳಿಂದ ತಮ್ಮ ಸಹಯೋಗಕ್ಕೆ ಗೌರವಾನ್ವಿತ ದೆಹಲಿ ಮುಖ್ಯಮಂತ್ರಿಯವರಿಗೂ ಧನ್ಯವಾದ ಹೇಳಿದ್ದಾರೆ ಜಂಗ್.
ತಮ್ಮ ಮೊದಲ ಪ್ರೀತಿಯ ಅಧ್ಯಯನ ಕ್ಷೇತ್ರಕ್ಕೆ ಹಿಂದಿರುಗುವುದಾಗಿ ಜಂಗ್ ಹೇಳಿದ್ದಾರೆ.
