ನವದೆಹಲಿ: ಆಲಿಘರ್ ಮುಸ್ಲಿಂ ವಿಶ್ವವಿದ್ಯಾಲಯದ (ಎಎಂಯು) ಉಪಕುಲಪತಿ ಮಾಜಿ ಲೆಫ್ಟಿನೆಂಟ್ ಜನರಲಿ ಜಮೀರ್ ಉದ್ದೀನ್ ಷಾ ಮತ್ತು ಮುಸ್ಲಿಂ ಅಧ್ಯಯನ ಮತ್ತು ವಿಶ್ಲೇಷಣಾ ಸಮಿತಿಯ ನಿರ್ದೇಶಕ ಜಾಸಿಮ್ ಮೊಹಮ್ಮದ್ ನೇತೃತ್ವದ ಸಮಿತಿ ಶನಿವಾರ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಲಿದೆ.
ಈ ಸಮಿತಿಯಲ್ಲಿ ಎಎಂಯುವಿನ ಪ್ರಾಧ್ಯಾಪಕ ಮಾಜಿ ಬ್ರಿಗೇಡಿಯರ್ ಎಸ್ ಎ ಅಲಿ ಮತ್ತು ಶಿಯಾ ಧರ್ಮ ಗುರು ಮೌಲಾನ ಕಾಲ್ಬೆ ಸಾದಿಕ್ ಕೂಡ ಇದ್ದಾರೆ.
ಸದ್ಯಕ್ಕೆ ನ್ಯಾಯಾಲಯದ ಅಂಗಳದಲ್ಲಿರುವ ಎಎಂಯುವಿನ ಅಲ್ಪಸಂಖ್ಯಾತ ಮಾನ್ಯತೆಯ ಮರುಗಳಿಕೆ ಈ ಭೇಟಿಯಲ್ಲಿ ಚರ್ಚೆಯಾಗಲಿರುವ ಒಂದು ವಿಷಯ ಎಂದು ತಿಳಿದುಬಂದಿದೆ.
