ನವದೆಹಲಿ: ಹೋಳಿ ಹಬ್ಬದ ಅಂಗವಾಗಿ ದೇಶದ ಜನತೆಗೆ ಭಾನುವಾರ ಶುಭಾಶಯ ಕೋರಿದ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ, ದೇಶದ ವೈವಿಧ್ಯ ಸಂಸ್ಕೃತಿಗಳ ಮಧ್ಯೆ 'ಒಗ್ಗಟಿನ ಕಾಮನಬಿಲ್ಲು' ಮೂಡಲಿ ಎಂದಿದ್ದಾರೆ.
"ಹೋಳಿ ಹಬ್ಬದ ಈ ಪವಿತ್ರ ದಿನವಾದ ಇಂದು, ನನ್ನ ಸಮಸ್ತ ನಾಗರಿಕರಿಗೆ ಶುಭಾಶಗಳನ್ನು ವಿಸ್ತರಿಸುತ್ತೇನೆ" ಎಂದು ಮುಖರ್ಜಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
"ಹೋಳಿ ವಸಂತವನ್ನು ಸಂಭ್ರಮಿಸುತ್ತದೆ ಮತ್ತು ಇದು ನಮ್ಮ ಜೀವನಗಳಲ್ಲಿ ಭರವಸೆ ಮತ್ತು ಸಂತೃಪ್ತಿಯ ಸೇತುವೆ. ಈ ಬಣ್ಣಗಳ ಹಬ್ಬ ದೇಶದ ವೈವಿಧ್ಯ ಸಂಸ್ಕೃತಿಗಳ ಬಣ್ಣಗಳ ನಡುವೆ ಒಗ್ಗಟಿನ ಕಾಮನಬಿಲ್ಲನ್ನು ಸೃಷ್ಟಿಸಲಿ" ಎಂದಿದ್ದಾರೆ.
"ಈ ದಿನ ನಾವು ದಮನಿತರು ಮತ್ತು ಹಿಂದುಳಿದವರಿಗೆ ಸಂತೋಷ ಮತ್ತು ಖುಷಿಯನ್ನು ಹಂಚೋಣ. ಈ ವಿಶಿಷ್ಟ ಹಬ್ಬ ಭ್ರಾತೃತ್ವವನ್ನು ಬಲಪಡಿಸಿ ನಮ್ಮ ಜನರ ನಡುವೆ ಸಾಮರಸ್ಯ ಮೂಡಿಸಲಿ" ಎಂದು ರಾಷ್ಟ್ರಪತಿ ಹೇಳಿದ್ದಾರೆ.
"ಈ ವರ್ಷದ ಹೋಳಿ ದೇಶದಲ್ಲಿ ಶಾಂತಿ ಮತ್ತು ವೈಭವದ ಹೊಸ ಪರ್ವವನ್ನು ಪ್ರಾರಂಭಿಸಲಿ" ಎಂದು ಕೂಡ ಅವರು ಹೇಳಿದ್ದಾರೆ.
