ಗಡಾಫಿ ಪುತ್ರ ಸೈಫ್-ಅಲ್- ಇಸ್ಲಾಂ ಗೆ ಮರಣದಂಡನೆ ಶಿಕ್ಷೆ

ಟ್ರಿಪೋಲಿ:  ಲಿಬಿಯಾ ಸರ್ವಾಧಿಕಾರಿಯಾಗಿದ್ದ ಮೊಮರ್ ಗಡಾಫಿ ಪುತ್ರ ಸೈಫ್-ಅಲ್- ಇಸ್ಲಾಂ ಗೆ ಲಿಬಿಯಾದ ನ್ಯಾಯಾಲಯ ಮರಣದಂಡನೆ ಶಿಕ್ಷೆ ವಿಧಿಸಿದೆ.

2011 ರಲ್ಲಿ ನಡೆದಿದ್ದ ಲಿಬಿಯಾ ಕ್ರಾಂತಿ ವೇಳೆ ನಡೆದಿದ್ದ ಯುದ್ಧಾಪರಾಧವೆಸಗಿದ್ದಕ್ಕೆ ಸೈಫ್-ಅಲ್- ಇಸ್ಲಾಂ ಗೆ ಮರಣದಂಡನೆ ವಿಧಿಸಲಾಗಿದೆ. ನಾಲ್ಕು ವರ್ಷದ ಹಿಂದೆ ಸೈಫ್-ಅಲ್- ಇಸ್ಲಾಂ ನನ್ನು ಬಂಧಿಸಲಾಗಿತ್ತು. ಈತನೊಂದಿಗೆ ಇನ್ನೂ 8 ಜನರಿಗೆ ಇದೇ ಪ್ರಕರಣದಲ್ಲಿ ಮರಣದಂಡನೆ ವಿಧಿಸಲಾಗಿದೆ.

2011 ರಲ್ಲಿ ನಡೆದಿದ್ದ ಪ್ರತಿಭಟನೆಯನ್ನು ದಮನ ಮಾಡಿದ್ದಕ್ಕಾಗಿ ಸೈಫ್, ಮೃತ ಸರ್ವಾಧಿಕಾರಿ ಮೊಮಾರ್ ಗಡಾಫಿ ವಿರುದ್ಧ ಲಿಬಿಯಾ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯುತ್ತಿತ್ತು.  ಜಿಂತನ್ ನಲ್ಲಿ ವಿರೋಧಿ ಬಣದಿಂದ ಬಂಧನಕ್ಕೊಳಗಾಗಿರುವ ಸೈಫ್ ತನ್ನ ವಿರುದ್ಧದ ತೀರ್ಪು ಪ್ರಕಟಾವಾಗಬೇಕಾದರೆ ನ್ಯಾಯಾಲಯದಲ್ಲಿರಲಿಲ್ಲ ಎಂದು ಬಿಬಿಸಿ ವರದಿ ಮಾಡಿದೆ.