ಪ್ಯಾಲೆಸ್ತೀನ್‌ಗೆ ಭಾರತ ಕಳುಹಿಸಿಕೊಟ್ಟ 'ಗಿಫ್ಟ್' ರವಾನೆಗೆ ಇಸ್ರೇಲ್ ನಕಾರ

ಜೆರುಸಲೇಂ: ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರು ಪ್ಯಾಲೆಸ್ತೀನ್ ವಿಶ್ವವಿದ್ಯಾಲಯಕ್ಕೆ ಕಳುಹಿಸಿದ ಉಡುಗೊರೆಗೆ ಅನುಮತಿ ನಿರಾಕರಿಸುವ ಮೂಲಕ ಇಸ್ರೇಲ್ ವಿವಾದ ಸೃಷ್ಟಿಸಿದೆ.

ಮಂಗಳವಾರ ಮುಖರ್ಜಿ ಅವರು ಅಲ್ ಖುದ್ಸ್ ವಿವಿಯಲ್ಲಿ ಅತ್ಯಾಧುನಿಕ ಮಾಹಿತಿ ತಂತ್ರಜ್ಞಾನ ಕೇಂದ್ರವನ್ನು ಉದ್ಘಾಟಿಸಲಿದ್ದು, ನಾಲ್ಕು ಸಂವಹನ ವ್ಯವಸ್ಥೆಯು ಅದರ ಪ್ರಮುಖ ಭಾಗಗಳಾಗಿವೆ. ಆದರೆ, ಪ್ರಣಬ್ ಕಳುಹಿಸಿರುವ 30 ಕಂಪ್ಯೂಟರ್ಗಳನ್ನು ಪ್ಯಾಲೆಸ್ತೀನ್‍ಗೆ ಕಳುಹಿಸಲು ಒಪ್ಪಿರುವ ಇಸ್ರೇಲ್, ಈ ನಾಲ್ಕು ಸಂವಹನ ಸೌಧನಗಳನ್ನು ತಡೆಹಿಡಿದಿದೆ. 

ಈ ವಿವಾದಕ್ಕೆ ಸಂಬಂಧಿಸಿ ಮಾಹಿತಿ ನೀಡಿರುವ ಇಸ್ರೇಲ್, ಭಾರತವು ಹೇಗೆ ಸೆಟಲೈಟ್ ಫೋನ್ಗಳಿಗೆ ಅನುಮತಿ ನೀಡುವುದಿಲ್ಲವೋ, ಅದೇ ರೀತಿ ನಮ್ಮ ಕಾನೂನಿನ ಪ್ರಕಾರ ಈ ಸಾಧನಗಳಿಗೆ ಒಪ್ಪಿಗೆ ನೀಡಲಾಗದು ಎಂದಿದೆ.