ನ್ಯೂಯಾರ್ಕ್: ನ್ಯೂಯಾರ್ಕ್ ನ ಬ್ರೂಕ್ಲಿನ್ ನ ಉದ್ಯಾನವನದಲ್ಲಿ 'ಸ್ವಸ್ತಿಕ' ಚಿಹ್ನೆ ಮತ್ತು 'ಗೋ ಟ್ರಂಪ್' ಗೋಡೆ ಬರಹಗಳೊಂದಿಗೆ ವಿರೂಪಗೊಳಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.
ಬ್ರೂಕ್ಲಿನ್ ಹೈಟ್ಸ್ ಪಾರ್ಕ್ ನಲ್ಲಿ ಆಡುತ್ತಿದ್ದ ಮಕ್ಕಳ ಆಟಕ್ಕೆ ಈ ಸೆಮಿಟಿಕ್ ವಿರೋಧಿ ಚಿಹ್ನಗೆಳಿಂದ ಕುಂದಾಗಿದೆ ಎಂದು ನಗರದ ಕೌನ್ಸಿಲ್ ಸದಸ್ಯ ಬ್ರಾಡ್ ಲ್ಯಾಂಡರ್ ಶುಕ್ರವಾರ ಹೇಳಿದ್ದಾರೆ.
ವಿಶ್ವದ ಅತಿ ಉಗ್ರ ಸರ್ವಾಧಿಕಾರಿ ಜರ್ಮನಿಯ ಅಡಾಲ್ಫ್ ಹಿಟ್ಲರ್ ನ ಪಕ್ಷದ ಚಿಹ್ನೆಯಾಗಿದ್ದ ಸ್ವಸ್ತಿಕ, ಜನಾಂಗೀಯ ನಿಂದನೆಯ ಚಿಹ್ನೆ ಎಂದೇ ಪರಿಗಣಿಸಲಾಗುತ್ತದೆ.
"ಟ್ರಂಪ್ ಬೆಂಬಲಿಗರಿಂದ ಇನ್ನು ದ್ವೇಷ ಹೆಚ್ಚುತ್ತಲೇ ಇದೆ" ಎಂದು ಲ್ಯಾಂಡರ್ ಟ್ವೀಟ್ ಮಾಡಿದ್ದಾರೆ.
ನ್ಯೂಯಾರ್ಕ್ ನ ಇನ್ನು ಹಲವು ಸಾರ್ವಜನಿಕ ಪ್ರದೇಶಗಳಲ್ಲಿ ಸ್ವಸ್ತಿಕಗಳು ಮತ್ತು ಜನಾಂಗೀಯ ನಿಂದನೆಯ ಗೋಡೆ ಬರಹಗಳನ್ನು ಮೂಡಿಸಲಾಗಿದೆ ಎಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.
"ಈ ದ್ವೇಷ ಮತ್ತು ಪ್ರಚೋದನೆಯ" ವಿರುದ್ಧ ಭಾನುವಾರ ಉದ್ಯಾನವನದಲ್ಲಿ ರ್ಯಾಲಿ ನಡೆಸಲಾಗುವುದು ಎಂದು ಪ್ರಾದೇಶಿಕ ಅಧಿಕಾರಿಗಳು ಹೇಳಿದ್ದಾರೆ.
