ಬೀಜಿಂಗ್: ನಿನ್ನೆಯಷ್ಟೇ ಗೋವಾದಲ್ಲಿ ಅಂತ್ಯಗೊಂಡ ಬ್ರಿಕ್ಸ್ ಶೃಂಗಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಪಾಕಿಸ್ತಾನ ಉಗ್ರರ ತವರು ಎಂದಿದ್ದರು. ಇದರ ಮಾರನೆ ದಿನವೇ ಪಾಕಿಸ್ತಾನವನ್ನು ಬಲವಾಗಿ ಸಮರ್ಥಿಸಿಕೊಂಡಿರುವ ಚೀನಾ, ಪಾಕಿಸ್ತಾನದ ಸರ್ವಋತು ಮಿತ್ರನಾಗಿರುವ ಚೀನಾ, ಯಾವುದೇ ದೇಶವನ್ನು ಭಯೋತ್ಪಾದನೆಯೊಂದಿಗೆ ತಳಕು ಹಾಕುವುದಕ್ಕೆ ತನ್ನ ವಿರೋಧವಿದೆ ಎಂದು ಹೇಳಿದೆ. ಅಲ್ಲದೆ ಉಗ್ರ ನಿಗ್ರಹ ಕಾರ್ಯದಲ್ಲಿ ಪಾಕಿಸ್ತಾನದ "ಮಹಾನ್ ತ್ಯಾಗ'ವನ್ನು ವಿಶ್ವ ಸಮುದಾಯ ಗುರುತಿಸಬೇಕು' ಎಂದು ಕರೆ ನೀಡಿದೆ.