ಮದುವೆ ಮನೆಗೆ ಸಿಂಹದ ಮೇಲೆ ಬಂದ ಮದುಮಗ: ವಿಡಿಯೋ ವೈರಲ್

ನವದೆಹಲಿ: ಮದುವೆ ಮನೆಗೆ ಮುದುಮಗ ಕುದುರೆ, ಕಾರು,ಬೈಕ್‌ನಲ್ಲಿ ಬರುವುದು  ಸಾಮಾನ್ಯ. ಆದರೆ ಪಾಕಿಸ್ತಾನದಲ್ಲಿ ಮದುಮಗನೊಬ್ಬ ಸಿಂಹದ ಮೇಲೆಯೇ ಸವಾರಿ ಮಾಡಿ ಇದೀಗ ಭಾರೀ ಸುದ್ದಿಯಾಗಿದ್ದಾನೆ

ಶೇಖ್‌ ಮೊಹಮದ್‌ಗೆ ಎಲ್ಲರಂತೆ ಕುದುರೆಯ ಮೇಲೆ ಕುಳಿತು ಬರುವುದು  ಇಷ್ಟವಿರಲಿಲ್ಲ. ಹೀಗಾಗಿ ಸ್ವಲ್ಪ ಭಿನ್ನವಾಗಿರಲಿ ಎಂದು ಸಿಂಹದ ಮೇಲೆ ಸವಾರಿ ಮಾಡಲು ಮುಂದಾಗಿದ್ದಾನೆ. ಸಿಂಹವಿದ್ದ ಪಂಜರದ ಮೇಲೆ ಕುಳಿತು ವಿವಾಹ ವೇದಿಕೆಯತ್ತ ತೆರಳಿದ್ದಾನೆ. ಈ ವಿಡಿಯೋ  ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ಸಾರ್ವಜನಿಕವಾಗಿ ತಮ್ಮ ಸಂಪತ್ತನ್ನು ಪ್ರದರ್ಶಿಸಿರುವುದಕ್ಕೆ ಸಾಮಾಜಿಕ ಜಾತಲಾಣಗಳಲ್ಲಿ ಈ ವಿಡಿಯೋಗೆ ತೀವ್ರ ಆಕ್ಷೇಪ ವ್ಯಕ್ತವಾಗಿದೆ.

ಶೇಖ್‌ ಮೊಹಮದ್‌ಗೆ ಯುವತಿಯ ಕಡೆಯಿಂದಲೂ ಅಪಾರ ಪ್ರಮಾಣದ ಐಷಾರಾಮಿ ವಸ್ತುಗಳನ್ನು ಉಡುಗೊರೆಯಾಗಿ ನೀಡಲಾಗಿದೆ. ಸುಮಾರು 5 ಕೋಟಿ ರು. ನಷ್ಟು ವರದಕ್ಷಿಣೆ ನೀಡಲವಾಗಿದೆ ಎನ್ನಲಾಗಿದೆ.