ಲಂಡನ್: ಬ್ರಿಟನ್ ರಾಜಕುಮಾರ ಹ್ಯಾರಿ ಅವರು ನಟಿ ಮೇಘನ್ ಮಾರ್ಕೆಲ್ ಅವರೊಂದಿಗೆ ಶನಿವಾರ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.
ಇಂದು ಲಂಡನ್ ನ ಥೇಮ್ಸ್ ನದಿಯ ಪಶ್ಚಿಮ ಭಾಗದಲ್ಲಿರುವ ಸೆಂಟ್ ಜಾರ್ಜ್ ಚಾಪೆಲ್ ನ ವಿಂಡ್ಸರ್ ಕ್ಯಾಸೆಲ್ ನಲ್ಲಿ ಹ್ಯಾರಿ ಮತ್ತು ಮೇಘಮ್ ಪರಸ್ಪರ ರಿಂಗ್ ಬದಲಾಯಿಸಿಕೊಳ್ಳುವ ಮೂಲಕ ಸತಿಪತಿಗಳಾದರು.
ಬ್ರಿಟನ್ ರಾಜ ಮನೆತನದ ಐದನೇ ರಾಜಕುಮಾರ, 33 ವರ್ಷದ ಹ್ಯಾರಿ, ಜನಪ್ರಿಯ ಟಿವಿ ಧಾರಾವಾಹಿ ‘ಸ್ಯೂಟ್‌’, 'ಫ್ರಿಂಜ್'ನಲ್ಲಿ ಅಭಿನಯಿಸಿದ್ದ 36 ವರ್ಷದ ನಟಿ. ವಿಚ್ಛೇದಿತೆ ಮೇಘನ್ ಮಾರ್ಕೆಲ್ ಅವರ ಕೈಹಿಡಿದಿದ್ದಾರೆ.
ಮೇಘನ್ 2011ರಲ್ಲಿ ನಿರ್ವಪಕರೊಬ್ಬರನ್ನು ವಿವಾಹವಾಗಿ, ಎರಡು ವರ್ಷದಲ್ಲೇ ವಿಚ್ಛೇದನ ಪಡೆದಿದ್ದರು. ಅಮೆರಿಕನ್ ಅಥವಾ ವಿಚ್ಛೇದಿತರನ್ನು ಲಂಡನ್ ರಾಜಮನೆತನ ವಿವಾಹವಾಗುತ್ತಿರುವುದು ಇದೇ ಮೊದಲೇನಲ್ಲ. 1936ರಲ್ಲಿ ಎಡ್ವರರ್ಡ್- 3 ಎರಡು ಬಾರಿ ವಿಚ್ಛೇದಿತರಾಗಿದ್ದ ವಲ್ಲೀಸ್ ಸಿಮ್ಸ್ನ್ ಅವರನ್ನು ವಿವಾಹವಾಗಿದ್ದರು.
