ಕ್ಯಾಲಿಫೋರ್ನಿಯಾದಲ್ಲಿ 37 ವರ್ಷದ ಭಾರತೀಯ ತಂತ್ರಜ್ಞಾನ ವೃತ್ತಿಪರರೊಬ್ಬರು ವ್ಯಾಲಿ ಫೀವರ್ ಎಂಬ ಅಪರೂಪದ ಶಿಲೀಂಧ್ರ ಸೋಂಕಿನಿಂದ ಬಳಲಿ ಸಾವನ್ನಪ್ಪಿದ್ದಾರೆ ಎಂದು ಅವರ ಕುಟುಂಬ ಸ್ಥಾಪಿಸಿದ ನಿಧಿಸಂಗ್ರಹಣೆಯಲ್ಲಿ ತಿಳಿದುಬಂದಿದೆ.
ಚಿರಂಜೀವಿ ಕೊಲ್ಲಾ ಮೃತ ವ್ಯಕ್ತಿ. ಈ ಅಪರೂಪದ ಶಿಲೀಂಧ್ರ ಸೋಂಕು ಅವರ ಶ್ವಾಸಕೋಶದ ಮೇಲೆ ತೀವ್ರ ಪರಿಣಾಮ ಬೀರಿ ಉಸಿರಾಟದ ವೈಫಲ್ಯಕ್ಕೆ ಕಾರಣವಾಗಿದೆ. ಚಿರಂಜೀವಿ ಕೊಲ್ಲ ಮೇ 5 ರಂದು ಕ್ಯಾಲಿಫೋರ್ನಿಯಾದ ವಾಲ್ನಟ್ ಕ್ರೀಕ್ನಲ್ಲಿ ಸುಮಾರು ಒಂದು ತಿಂಗಳು ತೀವ್ರ ನಿಗಾ ಘಟಕದಲ್ಲಿ ಕಳೆದ ನಂತರ ನಿಧನರಾದರು ಎಂದು ಅವರ ಸೋದರಸಂಬಂಧಿ ರಾಮ ಕೋಟೇಶ್ವರ ರಾವ್ ತಿಳಿಸಿದ್ದಾರೆ.
ಕೊಲ್ಲಾ ಅವರು ಮೃದುಭಾಷಿ ಮತ್ತು ಉತ್ತಮ ವ್ಯಕ್ತಿ ಎಂದು ನಿಧಿಸಂಗ್ರಹಣೆದಾರರು ಬಣ್ಣಿಸಿದ್ದಾರೆ, ಅವರನ್ನು ಸಹೋದ್ಯೋಗಿಗಳು ಮತ್ತು ಸ್ನೇಹಿತರು ಮತ್ತು ಸಂಬಂಧಿಕರು ಆಳವಾಗಿ ಗೌರವಿಸುತ್ತಿದ್ದರು ಮತ್ತು ಪ್ರೀತಿಸುತ್ತಿದ್ದರು. "ಅವರು ಎಂದಿಗೂ ತಮ್ಮ ಧ್ವನಿಯನ್ನು ಎತ್ತುತ್ತಿರಲಿಲ್ಲ, ಯಾರನ್ನೂ ಸಣ್ಣದಾಗಿ ಭಾವಿಸದ ರೀತಿಯ ವ್ಯಕ್ತಿಯಾಗಿದ್ದರು" ಎಂದು ಪೋಸ್ಟ್ನಲ್ಲಿ ಹೇಳಲಾಗಿದೆ.
ಕುಟುಂಬದ ಪ್ರಕಾರ, ಕೊಲ್ಲಾ ಅವರಿಗೆ ಏಪ್ರಿಲ್ ಆರಂಭದಲ್ಲಿ ಸಾಮಾನ್ಯ ಜ್ವರ ಮತ್ತು ನಿರಂತರ ಕೆಮ್ಮು ಕಾಣಿಸಿಕೊಂಡಿತು. ಅವರ ಸ್ಥಿತಿ ಹದಗೆಟ್ಟಂತೆ, ಅವರನ್ನು ಎಮರ್ಜೆನ್ಸಿ ವಾರ್ಡ್ ಗೆ ದಾಖಲಿಸಲಾಯಿತು. ಅಲ್ಲಿ ವೈದ್ಯರು ಅವರಿಗೆ ನ್ಯುಮೋನಿಯಾ ಇರುವುದಾಗಿ ಶಂಕಿಸಿದ್ದಾರೆ.
ನಂತರ ನಡೆಸಿದ ಪರೀಕ್ಷೆಗಳಿಂದ ಅವರು ವ್ಯಾಲಿ ಜ್ವರದಿಂದ ಬಳಲುತ್ತಿದ್ದಾರೆ ಎಂದು ದೃಢಪಡಿಸಿದವು, ಇದು ಕ್ಯಾಲಿಫೋರ್ನಿಯಾ ಮತ್ತು ನೈಋತ್ಯ ಯುನೈಟೆಡ್ ಸ್ಟೇಟ್ಸ್ನ ಕೆಲವು ಭಾಗಗಳಲ್ಲಿ ಮಣ್ಣಿನಲ್ಲಿ ಕಂಡುಬರುವ ಕೋಕ್ಸಿಡಿಯೋಯಿಡ್ಸ್ ಶಿಲೀಂಧ್ರಗಳಿಂದ ಉಂಟಾಗುವ ಶಿಲೀಂಧ್ರ ಸೋಂಕಾಗಿದೆ.
ಸೋಂಕು ಅವರ ಶ್ವಾಸಕೋಶಕ್ಕೂ ತಲುಪಿದೆ ಎಂದು ವರದಿಯಾಗಿದೆ. ಇದರ ನಂತರ ಅವರನ್ನು ಐಸಿಯುನಲ್ಲಿ ವೆಂಟಿಲೇಟರ್ನಲ್ಲಿ ಇರಿಸಲಾಯಿತು. ಸುಮಾರು 30 ದಿನಗಳ ಚಿಕಿತ್ಸೆ ಮತ್ತು ಉಸಿರಾಟದ ಬೆಂಬಲದ ನಂತರ, ಅವರು ಮೇ 5 ರಂದು ಸಾವನ್ನಪ್ಪಿದ್ದಾರೆ.
Advertisement
