ತೊಂದರೆ, ಕಾಯಿಲೆ ಯಾವುದೇ ಇರಲಿ, ಅದು ಎಷ್ಟೇ ಚಿಕ್ಕದಾಗಿರಲಿ, ದೊಡ್ಡದಾಗಿರಲಿ ಮೊದಲು ರೋಗಿಗೆ ಬೇಕಾಗಿರುವುದು ಪ್ರಥಮ ಚಿಕಿತ್ಸೆ.
ಗಾಯ: ಶರೀರದ ಯಾವುದೇ ಭಾಗದಲ್ಲಿ ರಕ್ತ ಸೋರುವ ಗಾಯಗಳಾಗಿದ್ದರೆ ಮೊದಲು ಶುಭ್ರವಾದ ಬಟ್ಟೆ/ಹತ್ತಿಯನ್ನು ಗಾಯದ ಮೇಲೆ ಹಾಕಿ, ಸುಮಾರು 20 ನಿಮಿಷ ಒತ್ತಿ ಹಿಡಿಯಬೇಕು. ಐಸ್ ಚೂರನ್ನೂ ಇಡಬಹುದು. ನಂತರ ವೈದ್ಯರಲ್ಲಿಗೆ ಕರೆದೊಯ್ಯಲೇಬೇಕು.
ಮೂರ್ಛೆ: ವ್ಯಕ್ತಿಯನ್ನು ಅಂಗಾತ ಮಲಗಿಸಿ. ಗಾಳಿಯಾಡುವಂತೆ ನೋಡಿಕೊಳ್ಳಿ. ಈರುಳ್ಳಿಯನ್ನು ಅರ್ಧ ಭಾಗ ಮಾಡಿ ಮೂಗಿನ ಬಳಿ ಹಿಡಿಯಿರಿ. ಮುಖದ ಮೇಲೆ ಸ್ವಲ್ಪ ನೀರನ್ನು ಚಿಮುಕಿಸಿ. ಆದರೆ ಒದ್ದೆ ಮಾಡಬೇಡಿ.
ಎದೆನೋವು : ಇದು ಹೃದಯಾಘಾತವಲ್ಲದೆಯೂ ಇರಬಹುದು. ವ್ಯಕ್ತಿಯನ್ನು ಚೆನ್ನಾಗಿ ಗಾಳಿಯಾಡುವ ಸ್ಥಳದಲ್ಲಿ ಮಲಗಿಸಿ. ಕೆಲವು ಸಾಂತ್ವನದ ಮಾತುಗಳನ್ನಾಡಿ. ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.
ಮೂಗಿನಲ್ಲಿ ರಕ್ತ: ಮೂಗಿನ ಒಂದು ಹೊರಳೆಯನ್ನು ಮುಚ್ಚಿ ಮತ್ತೊಂದ ರಿಂದ ಉಸಿರು ತೆಗೆದುಕೊಳ್ಳಿ. ರಕ್ತ ಸೋರುವುದು ನಿಲ್ಲುತ್ತದೆ. ಆದರೆ ಕಿವಿಯಲ್ಲಿ ರಕ್ತ ಸೋರುತ್ತಿದ್ದರೆ ಪ್ರಥಮ ಚಿಕಿತ್ಸೆ ಮಾಡಬೇಡಿ. ತಕ್ಷಣ ವೈದ್ಯರ ಬಳಿ ಕರೆದುಕೊಂಡು ಹೋಗಿ.
ಬಿಸಿಲಿನಿಂದ ಮೂರ್ಛೆ: ತಂಪಾದ ನೆರಳಿರುವ ಜಾಗದಲ್ಲಿ ಮಲಗಿಸಿ, ಹಣೆಯ ಮೇಲೆ ಒದ್ದೆಬಟ್ಟೆ ಹಾಕಿ. ಆದಷ್ಟು ಶೀಘ್ರ ಆಸ್ಪತ್ರೆಗೆ ಕರೆದೊಯ್ಯಿರಿ.
ಜ್ವರ: ಪನ್ನೀರು ಇಲ್ಲವೇ ತಣ್ಣೀರಿನಲ್ಲಿ ಅದ್ದಿದ ಬಟ್ಟೆಯನ್ನು ಹೊಟ್ಟೆ ಹಾಗೂ ಹಣೆಯ ಮೇಲೆ ಹಾಕಿ. ನಂತರ ವೈದ್ಯರನ್ನು ಸಂಪರ್ಕಿಸಿ.
ಕಣ್ಣಲ್ಲಿ ಕಸ: ಕಣ್ಣನ್ನು ಮುಚ್ಚಿ ಮೃದುವಾದ ಬಟ್ಟೆಯಿಂದ ಕಸ ದೂರಮಾಡಿ ಅಥವಾ ತಣ್ಣೀರಿನಲ್ಲಿ ಕಣ್ಣು ಪಿಳುಕಿಸಿ.
ಶಾಕ್: ತಕ್ಷಣ ಒಣ ಮರದ ತುಂಡಿನಿಂದ ಅಥವಾ ರಬ್ಬರ್‌ನಿಂದ ಮೇನ್‌ಸ್ವಿಚ್ ಆಫ್ ಮಾಡಿ. ವ್ಯಕ್ತಿಯನ್ನು ದೂರ ಕರೆತನ್ನಿ. ಸುಟ್ಟಗಾಯಗಳಾಗಿದ್ದರೆ ವೈದ್ಯರನ್ನು ಸಂಪರ್ಕಿಸಿ.
ಸುಟ್ಟರೆ: ಸಣ್ಣಪುಟ್ಟ ಸುಟ್ಟುಗಾಯಗಳಾದರೆ ನಲ್ಲಿ ಕೆಳಗೆ ಸುಟ್ಟ ಭಾಗವನ್ನು ಹಿಡಿಯಿರಿ. ದೊಡ್ಡ ಗಾಯವಾದರೆ ತಕ್ಷಣ ಆಸ್ಪತ್ರೆಗೆ ಸಾಗಿಸಿ. ಯಾವುದೇ ಕಾರಣಕ್ಕೂ ಬಟ್ಟೆ ಕಟ್ಟಬೇಡಿ.
ಫಿಟ್ಸ್: ಚಿಕ್ಕ ಬಟ್ಟೆಯನ್ನು ಸುತ್ತಿದ ಚಮಚವನ್ನು ವ್ಯಕ್ತಿಯ ಬಾಯಲ್ಲಿಡಿ. ನಾಲಿಗೆ ಕಚ್ಚಿಕೊಳ್ಳದಂತೆ ನೋಡಿಕೊಳ್ಳಿ. ಒಂದು ಬಾರಿ ಕೆನ್ನೆಗೆ ಹೊಡೆದು ಸಹ ಮಾಮೂಲಿ ಸ್ಥಿತಿಗೆ ತರಬಹುದು.
