ಭಾರತ ಮತ್ತು ಚೀನಾ ಅಶುದ್ಧ ಗಾಳಿಗೆ ಅತಿ ಹೆಚ್ಚು ಕೊಡುಗೆ ನೀಡುತ್ತಿದ್ದು, ವಾಯುಮಾಲಿನ್ಯಕ್ಕೆ  ಎರಡೂ ದೇಶಗಳಿಂದ ಶೇ.50 ಕ್ಕಿಂತಲೂ ಹೆಚ್ಚಿನ ಕೊಡುಗೆ ಇದೆ ಎಂದು ವಾರ್ಷಿಕವಾಗಿ ಪ್ರಕಟವಾಗುವ  ಗ್ಲೋಬಲ್ ಏರ್ ರಿಪೋರ್ಟ್ ಹೇಳಿದೆ. 

ಬೋಸ್ಟನ್ ಮೂಲದ ಹೆಲ್ತ್ ಎಫೆಕ್ಟ್ಸ್ ಇನ್ಸ್ಟಿಟ್ಯೂಟ್(ಹೆಚ್ಇಐ) ಈ ವರದಿ ಪ್ರಕಟಿಸಿದ್ದು, ದೀರ್ಘಾವಧಿಯ ವಾಯು ಮಾಲಿನ್ಯ 2016 ರಲ್ಲಿ ಜಾಗತಿಕವಾಗಿ 6.1 ಸಾವುಗಳಿಗೆ ಕಾರಣವಾಗಿದೆ.  ಭಾರತ ಹಾಗೂ ಚೀನಾದಲ್ಲಿ 2016 ರ ಒಂದೇ ವರ್ಷದಲ್ಲಿ ಈ ವರೆಗೂ 1.1 ಮಿಲಿಯನ್ ಜನರು ವಾಯುಮಾಲಿನ್ಯದಿಂದ ಸಾವನ್ನಪ್ಪಿದ್ದಾರೆ ಎಂದು ವರದಿ ಹೇಳಿದೆ. . 

ಆದರೆ ವಾಯುಮಾಲಿನ್ಯ ತಡೆಗಟ್ಟುವುದಕ್ಕೆ ಚೀನಾ ಕ್ರಮ ಕೈಗೊಂಡಿದ್ದು, ಫಲಕಾರಿಯೂ ಆಗಿದೆ, ಆದರೆ ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶದಲ್ಲಿ 2010 ರಿಂದ ಈ ವರೆಗೂ ವಾಯುಮಾಲಿನ್ಯದ ಪ್ರಮಾಣ ಕಡಿಮೆ ಆಗಿಲ್ಲ ಎಂಬುದು  ವರದಿ ಮೂಲಕ ತಿಳಿದುಬಂದಿದೆ.