ನವದೆಹಲಿ: ಎರಡು ತಿಂಗಳ ನಂತರ ಚಿನ್ನ ಮತ್ತೆ ರು.27 ಸಾವಿರ ಹಂತ ತಲುಪಿತು. ಶುಕ್ರವಾರದ ವಹಿವಾಟಿನಲ್ಲಿ ಪ್ರತಿ ಹತ್ತು ಗ್ರಾಂ ಚಿನ್ನದ ದರ ರು.480 ಏರಿಕೆ ಕಂಡು ರು.27,180ಕ್ಕೆ ತಲುಪಿತು. ದೇಶದಲ್ಲಿನ ಮದುವೆ ಸೀಸನ್ ಗಾಗಿ ಆಭರಣ ತಯಾರಕರು ಖರೀದಿಯಲ್ಲಿ ನಿರತರಾಗಿದ್ದರಿಂದ ಮತ್ತು ಜಾಗತಿಕ ಮಾರುಕಟ್ಟೆಗಳಲ್ಲಿ ಏರಿಕೆ ಕಂಡಿದ್ದರಿಂದ ದೇಶೀಯ ಮಾರುಕಟ್ಟೆಯಲ್ಲೂ ಏರಿಕೆ ದಾಖಲಿಸಿತು. ಪ್ರತಿ ಕೆಜಿ ಬೆಳ್ಳಿ ದರ ಸಹ ರು.200 ಏರಿಕೆ ಕಂಡು 36,500ಕ್ಕೆ ತಲುಪಿತು. ರುಪಾಯಿ ಮೌಲ್ಯ ಎರಡು ವರ್ಷಗಳಲ್ಲೇ ಕನಿಷ್ಠ ಮಟ್ಟಕ್ಕೆ ಇಳಿದಿರುವುದು ದರ ಏರಿಕೆ ಕಾರಣವಾಗಿದೆ.