ಮುಂಬೈ: ವ್ಯಾಪಾರ ವಿನಿಮಯದಲ್ಲಿ ಹೆಚ್ಚು ಪಾರದರ್ಶಕತೆ ತರಲು ಅಗತ್ಯಬಿದ್ದರೆ ವಿನಿಮಯ ಕೇಂದ್ರದಿಂದ ಮಾರಾಟವಾದ ನಿಧಿಗಳು ಸಂಬಂಧಿಸಿದ ನಿಯಂತ್ರಕ ನಿಯಮಗಳನ್ನು ಬದಲಾಯಿಸಲಾಗುವುದು ಎಂದು ಷೇರು ಮಾರುಕಟ್ಟೆ ನಿಯಂತ್ರಕ ಕೇಂದ್ರ ಸೆಬಿಯ ಅಧ್ಯಕ್ಷ ಯು.ಕೆ.ಸಿನ್ಹಾ ತಿಳಿಸಿದ್ದಾರೆ.

ಇಟಿಎಫ್(ವಿನಿಮಯ ಕೇಂದ್ರದಿಂದ ಮಾರಾಟವಾದ ನಿಧಿಗಳು) ಎಂದರೆ, ಸೂಚ್ಯಂಕ, ಸರಕು ಅಥವಾ ಸೂಚ್ಯಂಕ ನಿಧಿಯ ರೀತಿ ಆಸ್ತಿ-ಪಾಸ್ತಿಗಳ ಪತ್ತೆಯ ಒಂದು ಮಾರುಕಟ್ಟೆ ಭದ್ರತಾ ಕೇಂದ್ರವಾಗಿದೆ.

ತಜ್ಞರು ಮತ್ತು ಷೇರು ಹೂಡಿಕೆದಾರರು ಬಯಸಿದರೆ ಇಟಿಎಫ್ ಗೆ ಅಗತ್ಯ ಬದಲಾವಣೆಗಳನ್ನು ತರಲು ಸೆಬಿ ಸಿದ್ಧವಿದೆ ಎಂದು ಸಿನ್ಹಾ ತಿಳಿಸಿದರು. ಹೂಡಿಕೆದಾರರ ಪ್ರಯೋಜನಕ್ಕಾಗಿ ನಿಧಿಗಳ ಮಾಹಿತಿಗಳನ್ನು ಹೆಚ್ಚು ಹೆಚ್ಚು ನೀಡುವುದು ಉತ್ತಮ ಎಂದು ಅವರು ಹೇಳಿದರು.
ರಾಷ್ಟ್ರೀಯ ಷೇರು ಸಂವೇದಿ ಸೂಚ್ಯಂಕದ ಭಾರತ ಇಟಿಎಫ್ ಸಮ್ಮೇಳನದ ಹೊರಗೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಇಟಿಎಫ್ ಮಾಹಿತಿಗಳನ್ನು ಸರಿಯಾಗಿ ಬಹಿರಂಗಪಡಿಸಿದರೆ ಭಾರತದ ಅಭಿವೃದ್ಧಿಗೆ ಇದು ಪ್ರಮುಖ ಅವಕಾಶವಾಗುತ್ತದೆ. ಹೂಡಿಕೆದಾರರ ಮತ್ತು ಮಾರುಕಟ್ಟೆ ಅಪಾಯಗಳನ್ನು ನಿವಾರಿಸಲು ಕ್ರಿಯಾಶೀಲ ರೀತಿಯಲ್ಲಿ ಉತ್ಪಾದನೆ ಮಾಡಬೇಕೆಂದು ಹೇಳಿದರು.