ಬೆಂಗಳೂರು: ಸಾಫ್ಟ್ ವೇರ್ ಸೇವೆಗಳನ್ನು ಒದಗಿಸುವ ದೇಶದ ಎರಡನೇ ಅತಿ ದೊಡ್ಡ ಸಂಸ್ಥೆ ಇನ್ಫೋಸಿಸ್ ಸಂಸ್ಥೆ ನಾಲ್ಕನೇ ತ್ರೈಮಾಸಿಕ ವಿವರ ಪ್ರಕಟಿಸಿದ್ದು ಕ್ರೋಡೀಕೃತ ನಿವ್ವಳ ಲಾಭದಲ್ಲಿ  ಶೇ.16 .2 ರಷ್ಟು ಏರಿಕೆಯಾಗಿದೆ ಎಂದು ವರದಿ ನೀಡಿದೆ.
2016 ರ ಮಾರ್ಚ್. 31 ಕ್ಕೆ ಮುಕ್ತಾಯಗೊಂಡ ಜನವರಿಯಿಂದ ಮಾರ್ಚ್ ವರೆಗಿನ ನಾಲ್ಕನೇ ತ್ರೈಮಾಸಿಕದಲ್ಲಿ ಸಂಸ್ಥೆಗೆ ಒಟ್ಟಾರೆ 3,597  ಕೋಟಿ ರೂಪಾಯಿಯಷ್ಟು ಲಾಭ ಗಳಿಸಿದೆ, 2014 -15 ರ ನಾಲ್ಕನೇ ತ್ರೈಮಾಸಿಕದಲ್ಲಿ ಇನ್ ಫೋಸಿಸ್ ಸಂಸ್ಥೆ 3,097 ಕೋಟಿ ರುಪಾಯಿಯಷ್ಟು ನಿವ್ವಳ ಲಾಭ ಗಳಿಸಿತ್ತು. 2014 -15 ರ ತ್ರೈಮಾಸಿಕಕ್ಕೆ (ರೂ.13 ,೪೧೧ ಕೋಟಿ ಲಾಭ) ಹೋಲಿಸಿದರೆ ಪ್ರಸಕ್ತ ಸಾಲಿನ ನಾಲ್ಕನೇ ತ್ರೈಮಾಸಿಕದಲ್ಲಿ ಸಂಸ್ಥೆಯ ಲಾಭ ಶೇ.23 .4 ರಷ್ಟು ( ರೂ. 16 ,550 ಕೋಟಿ) ಗೆ ಏರಿಕೆಯಾಗಿದೆ ಎಂದು ಸಂಸ್ಥೆಯ ವರದಿ ತಿಳಿಸಿದೆ.
2014 -15 ರ ಅಕ್ಟೋಬರ್- ಡಿಸೆಂಬರ್ ವರೆಗಿನ ತ್ರೈಮಾಸಿಕದಲ್ಲಿ ಕಂಪನಿಯ ನಿವ್ವಳ ಆದಾಯ ಶೇ.3.8 ರಷ್ಟು ಏರಿಕೆಯಾಗಿತ್ತು. 2015 -16 ರ ಅಕ್ಟೋಬರ್- ಡಿಸೆಂಬರ್ ವರೆಗಿನ ತ್ರೈಮಾಸಿಕದಲ್ಲಿ ಕಂಪನಿಯ ನಿವ್ವಳ ಆದಾಯ ಶೇ.4 .1 ರಷ್ಟು ಏರಿಕೆಯಾಗಿದೆ.