ಬೆಂಗಳೂರು: ಜಾಗತಿಕ ಸಾಫ್ಟ್ವೇರ್ ಸಂಸ್ಥೆ ಇನ್ಫೋಸಿಸ್ ಲಿಮಿಟೆಡ್ ಶನಿವಾರ ಟೆಂಡರ್ ಆಫರ್ ಮೂಲಕ 11.3 ಕೋಟಿ ರೂ. ಮೌಲ್ಯದ ಷೇರುಗಳನ್ನು .ಹಿಂಪಡೆಯುವುದಾಗಿ ಘೋಷಿಸಿದೆ. ಪ್ರತೀ ಷೇರಿಗೆ 1,150 ರೂ.ನೀಡುವುದಾಗಿ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಇನ್ಫೋಸಿಸ್ ಸಂಸ್ಥೆಯ ಸಿಇಒ ಆಗಿದ್ದ ವಿಶಾಲ್ ಸಿಕ್ಕಾ ರಾಜಿನಾಮೆ ಬಳಿಕ ಮಾರುಕಟ್ಟೆಯಲ್ಲಿ ಸಂಸ್ಥೆಯ ಷೇರುಗಳ ಮೌಲ್ಯ ಕುಸಿದಿತ್ತು. ಇದರ ಬೆನ್ನಲ್ಲೇ ಸಂಸ್ಥೆಯ ಆಡಳಿತ ಮಂಡಳಿಯು ತನ್ನ ಹೂಡಿಕೆದಾರರಿಂದ 11.3 ಕೋಟಿ ಈಕ್ವಿಟಿ ಷೇರುಗಳನ್ನು ಹಿಂಪಡೆಯಲು ನಿರ್ಧರಿಸಿದ್ದು ರೂ. 5 ಮುಖಬೆಲೆಯ ಷೇರಿಗೆ ರೂ.1,150 ನೀಡಲು ಒಪ್ಪಿಕೊಂಡಿರುವುದಾಗಿ ವರದಿಯಾಗಿದೆ. ಆದರೆ ಅಂತಿಮವಾಗಿ ಸಂಸ್ಥೆಯ ಸಂಗ್ರಹವು 13,000 ಕೋಟಿ ರೂ.ಮೀರುವುದಿಲ್ಲ ಎಂದೂ ಸಂಸ್ಥೆ ಭಾರತೀಯ ಷೇರುಮಾರುಕಟ್ಟೆ ಬಿಎಸ್ ಇಗೆ ನೀಡಿರುವ ಮಾಹಿತಿಯಲ್ಲಿ ತಿಳಿಸಿದೆ.

ಕೊಡುಗೆಯು ಒಟ್ಟು ಪಾವತಿಯ ಶೇ. 20.51 ರಷ್ಟು ಇದ್ದು, ಇದು 11.3 ಕೋಟಿ ಷೇರುಗಳು ಅಥವಾ ಶೇ 4.92 ಷೇರುಗಳ ಮೊತ್ತವನ್ನು (ಯಾವುದೇ ಒಂದನ್ನು) ಒಳಗೊಂಡಿರುತ್ತದೆ.