ಬೆಂಗಳೂರು: ಪ್ರಾದೇಶಿಕ ಭವಿಷ್ಯ ನಿಧಿ ಆಯುಕ್ತ, ಬೆಂಗಳೂರು, ಇವರ ಆಡಳಿತ ವ್ಯಾಪ್ತಿಗೆ ಒಳಪಡುವ ನೌಕರರ ಪಿಂಚಣಿ ಯೋಜನೆ 1995 ಮತ್ತು ನೌಕರರ ಕುಟುಂಬ ಪಿಂಚಣಿ ನಿಧಿ ಯೋಜನೆ 1971ರ ಅಡಿ ಬರುವ ಪಿಂಚಣಿದಾರರು ತಮ್ಮ ಡಿಜಿಟಲ್ ಜೀವನ ಪ್ರಮಾಣಪತ್ರ / ಜೀವನ್ ಪ್ರಮಾಣ್ ಸಲ್ಲಿಸಬೇಕು.

ಡಿಜಿಟಲ್ ಜೀವನ ಪ್ರಮಾಣಪತ್ರ / ಜೀವನ್ ಪ್ರಮಾಣ್ ಅಪ್ ಡೇಟ್ ಮಾಡಲು ನಿಮ್ಮ ಪಿಪಿಒ ನಂಬರ್, ಬ್ಯಾಂಕ್ ಪಾಸ್ ಬುಕ್, ಆಧಾರ್ ಕಾರ್ಡ್ ಮತ್ತು ಮೊಬೈಲ್ ನೊಂದಿಗೆ 31.12.2017 ದಿನಾಂಕದೊಳಗೆ ನಿಮ್ಮ ಪಿಂಚಣಿ ವಿತರಿಸುವ ಬ್ಯಾಂಕ್ ಶಾಖೆಯನ್ನು ಸಂಪರ್ಕಿಸಿ.

ಡಿಜಿಟಲ್ ಜೀವನ ಪ್ರಮಾಣಪತ್ರ ಸಲ್ಲಿಸದಿದ್ದರೆ ಜನವರಿ 2018ರಿಂದ ಅನ್ವಯವಾಗುವಂತೆ ಪಿಂಚಣಿಯನ್ನು ನಿಲ್ಲಿಸಲಾಗುವುದು. ಆದ್ದರಿಂದ ಪಿಂಚಣಿದಾರರು ತಮ್ಮ ಈಪಿಎಸ್ ಪಿಂಚಣಿ ಪಡೆಯಲು ಸ್ವಹಿತಾಸಕ್ತಿಯಿಂದ ಪ್ರಮಾಣಪತ್ರಗಳನ್ನು ಸಲ್ಲಿಸಬೇಕಾಗಿ ಕೋರಲಾಗಿದೆ.

ಡಿಜಿಟಲ್ ಜೀವನ ಪ್ರಮಾಣಪತ್ರ ಅಪ್ ಡೇಟ್ ಮಾಡುವ ಬಗೆಗಿನ ಯಾವುದೇ ಮಾಹಿತಿಗೆ ದಯವಿಟ್ಟು ಈ ಕೆಳಗಿನ ಬ್ಯಾಂಕ್ ಬ್ರ್ಯಾಂಚ್ ಗಳನ್ನು ಸಂಪರ್ಕಿಸಿ.

ಡಿಜಿಟಲ್ ಜೀವನ ಪ್ರಮಾಣಪತ್ರ ಅಪ್ ಡೇಟ್ ಮಾಡುವ ಬಗೆಗಿನ ಯಾವುದೇ ಕುಂದುಕೊರತೆಗಳನ್ನು ನಮ್ಮ ಗಮನಕ್ಕೆ ತರಲು ಇಲ್ಲಿಗೆ ಮೇಲ್ ಮಾಡಿ ro.bangalore@epfindia.gov.in