ನವದೆಹಲಿ: ಭಾರತದ ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಒಂದಾದ ಜೈ ಭಾರತ್ ಮಾರುತಿ ಗ್ರೂಪ್ ಗೆ ಸೇರಿದ 60 ವಿವಿಧ ನಿವೇಶನಗಳಲ್ಲಿ ಇಂದು ಆದಾಯ ತೆರಿಗೆ ಇಲಾಖೆ ದಾಳಿ ನಡೆಸಿದೆ. ದೆಹಲಿ ಎನ್ ಸಿಆರ್ ನ ವಿವಿಧೆಡೆಗಳಲ್ಲಿ ಈ ದಾಳಿ ನಡೆಸಲಾಗಿದ್ದು ದಾಳಿಯ ವೇಳೆ 6 ಕೋಟಿ ನಗದು, ಮೂರು ಕೆಜಿ ಚಿನ್ನಾಭರಣಗಳನ್ನು ವಶಕ್ಕೆ ಪಡೆಯಲಾಗಿದೆ.
ಮಾರುತಿ ಮತ್ತು ಅಶೋಕ್ ಲೆಲ್ಯಾಂಡ್ ನ ದೊಡ್ಡ ಸರಬರಾಜುದಾರ ಸಂಸ್ಥೆಗಳಲ್ಲಿ ಜೈ ಭಾರತ್ ಗ್ರೂಪ್ ಒಂದಾಗಿದೆ.
ದೆಹಲಿ, ಫರಿದಾಬಾದ್, ಗುರುಗ್ರಾಮ್, ಘಾಜಿಯಾಬಾದ್ ನಲ್ಲಿ ಜೆಬಿಎಂ ಲಿಮಿಟೆಡ್ ಗೆ ಸೇರಿದ ನಿವೇಶನಗಳಲ್ಲಿ ಗುರುವಾರದಿಂದಲೇ ಆದಾಯ ತೆರಿಗೆ ಇಲಾಖೆ ಪರಿಶೀಲನೆ ಆರಂಭಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ನಿರೀಕ್ಷಿಸಲಾಗಿದೆ.