ಬೆಂಗಳೂರು: ಐಟಿ ದ್ಯತ್ಯ ಹಾಗೂ ಭಾರತದ ಎರಡನೇ ಅತಿದೊಡ್ಡ ಸಾಫ್ಟವೇರ್ ಕಂಪನಿಯಾಗಿರುವ ಇನ್ ಫೋಸಿಸ್ ಲಿಮಿಟೆಡ್ ಭರ್ಜರಿ ಲಾಭಾಂಶ ಗಳಿಸಿದೆ. ಪ್ರಸಕ್ತ ವರ್ಷದ 2ನೇ ಕ್ವಾರ್ಟರ್ ನ ಆದಾಯವನ್ನು ಇನ್ ಫೋಸಿಸ್ ಘೋಷಣೆ ಮಾಡಿದೆ.
ಸೆಪ್ಟೆಂಬರ್ ಕ್ವಾರ್ಟರ್ ನ ಒಟ್ಟು ಆದಾಯ 29,602 ಕೋಟಿ ರೂಪಾಯಿ ಆಗಿದೆ. ಜೂನ್ ಕ್ವಾರ್ಟರ್ ನಲ್ಲಿ 27,896 ಕೋಟಿ ರೂಪಾಯಿ ಆದಾಯವನ್ನು ಇನ್ ಫೋಸಿಸ್ ಗಳಿಸಿತ್ತು. ಒಟ್ಟಾರೆಯಾಗಿ ನಿವ್ವಳ ಆದಾಯ 5,421 ಕೋಟಿ ರೂಪಾಯಿ ಆಗಿದೆ.
ಇನ್ನು ಇಯರ್ ಆನ್ ಇಯರ್ ಲೆಕ್ಕಾಚಾರವನ್ನು ನೋಡೋದಾದ್ರೆ, ಶೇಕಡಾ 11.9ರಷ್ಟು ಲಾಭಾಂಶದಲ್ಲಿ ಏರಿಕೆ ಕಂಡಿದೆ. ಕ್ವಾರ್ಟರ್ ಆಂಡ್ ಕ್ವಾರ್ಟರ್ (ಜೂನ್ – ಸಪ್ಟೆಂಬರ್) ಹೋಲಿಸಿ ನೋಡೋದಾದ್ರೆ ಶೇಕಡಾ 4.4ರಷ್ಟು ಲಾಭಾಂಶವನ್ನು ಇನ್ ಫೋಸಿಸ್ ಕಂಪನಿ ಹೆಚ್ಚಿಸಿಕೊಂಡಿದೆ.