ಮುಂಬೈ: ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ದಿನ ಸೂಪರ್ ಸ್ಟಾರ್ ಶಾರುಕ್ ಖಾನ್ ಅವರು ತಾನು ಹೆಣ್ಣಾಗಿ ಹುಟ್ಟಬೇಕಿತ್ತು ಎಂದಿದ್ದಾರೆ "ನಾನು ಮಹಿಳೆಯಾಗಿರಬೇಕಿತ್ತು ಎಂದು ಆಗಾಗ್ಗೆ ಅಂದುಕೊಳ್ಳುತ್ತೇನೆ.. ನಂತರ ನನಗೆ ತಿಳಿಯುತ್ತದೆ ಅದಕ್ಕಾಗಿ ಬೇಕಾಗುವ ಧೈರ್ಯ, ಕೌಶಲ್ಯ, ತ್ಯಾಗದ ಭಾವನೆ, ನೈಜ ಪ್ರೇಮ ಮತ್ತು ಸೌಂದರ್ಯ ನನ್ನಲ್ಲಿಲ್ಲವೆಂದು. ಹುಡುಗಿಯರೇ ಧನ್ಯವಾದಗಳು" ಎಂದು ಶಾರುಕ್ ಮಂಗಳವಾರ ಟ್ವೀಟ್ ಮಾಡಿದ್ದಾರೆ.
ಇದೇ ವಿಷಯದ ಬಗ್ಗೆ ೫೦ ವರ್ಷದ ನಟ ಸಾಮಾಜಿಕ ಜಾಲತಾಣದ ವಿಡಿಯೋ ಒಂದರಲ್ಲಿ ಮಾತನಾಡಿದ್ದು, ತಮ್ಮ ಇಷ್ಟವಾದ ಸಿನೆಮಾಗಳು, ತಮಗೆ ಇಷ್ಟವಾದ ಊಟ, ಪುಸ್ತಕಗಳು ಮತ್ತು ಅಭಿಮಾನಿಗಳ ಬಗ್ಗೆ ತೆರೆದುಕೊಂಡಿದ್ದಾರೆ.
ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಅಂಗವಾಗಿ ಅವರು ವಿಶೇಷ ಸಂದೇಶ ನೀಡಿದ್ದು, "ನಾನು ವಿಶ್ವದ ಎಲ್ಲ ಮಹಿಳೆಯರ ಅತಿ ದೊಡ್ಡ ಅಭಿಮಾನಿ. ನಿಮ್ಮೆಲ್ಲರನ್ನೂ ಸಮನಾಗಿ ಪ್ರೀತಿಸುತ್ತೇನೆ. ಅವರಿಗೆ ಬೇಕಾದ ಆಯ್ಕೆ ಮಾಡಿಕೊಳ್ಳಲು ಅವರಿಗೆ ಇನ್ನೂ ಹೆಚ್ಚಿನ ಶಕ್ತಿ, ಇನ್ನೂ ಹೆಚ್ಚಿನ ಅಧಿಕಾರ ಮತ್ತು ಇನ್ನೂ ಹೆಚ್ಚನ ಸ್ವಾತಂತ್ರ್ಯ ಸಿಗಬೇಕು. ಮಹಿಳಾ ದಿನಾಚರಣೆಯಂದು ಎಲ್ಲ ಮಹಿಳೆಯರಿಗೂ ಧನ್ಯವಾದಗಳು" ಎಂದು ಅವರು ಹೇಳಿದ್ದಾರೆ.