ಮುಂಬೈ: ನಿಮ್ಮ ಕಾರ್ಯಕ್ಷಮತೆ ಚನ್ನಾಗಿದ್ದರೆ ನಿಮಗೆ ಬಾಲಿವುಡ್ ನಲ್ಲಿ ಅವಕಾಶಗಳು ಸಿಗುತ್ತದೆ ಎಂದು ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಹೇಳಿದ್ದಾರೆ. 

ಬಾಲಿವುಡ್ ನಲ್ಲಿ ಹೊರಗಿನವರು ಅಥವಾ ಒಳಗಿನವರು ಎಂಬ ಭೇದಭಾವವಿಲ್ಲ. ಇಲ್ಲಿ ನಾವು ಉತ್ತಮವಾಗಿ ಕಾರ್ಯನಿರ್ವಹಿಸಿದರೆ  ಅವಕಾಶಗಳು ನಮ್ಮನ್ನು ಹುಡುಕಿಕೊಂಡು ಬರುತ್ತದೆ ಎಂದು ಅನುಷ್ಕಾ ಬ್ಯಾಂಡ್ ಬಾಜಾ ಭಾರತ್ ಚಿತ್ರದ ಫೋಸ್ಟರ್ ಬಿಡುಗಡೆ ವೇಳೆ ಹೇಳಿದ್ದಾರೆ. 

ಬ್ಯಾಂಡ್ ಬಾಜಾ ಭಾರತ್ ಚಿತ್ರದ ನಂತರ ನನ್ನ ಜೀವನ ಬದಲಾಗಿದೆ. ನನ್ನ ಬಗ್ಗೆ ಜನ ತುಂಬಾ ಗಂಭೀರವಾಗಿ ಮಾತನಾಡುತ್ತಿದ್ದಾರೆ. ನನ್ನ ಮೊದಲ ಚಿತ್ರಕ್ಕೂ ಹೆಚ್ಚು ಪ್ರಶಂಸೆಗಳು ಸಿಕ್ಕಿದ್ದವು, ಆದರೆ ಬಾಂಜ್ ಬಾಜಾ ಭಾರತ್ ಚಿತ್ರದ ನಂತರ ಸಿಕ್ಕಿದ್ದು ನಾವು ಉತ್ತಮವಾಗಿ ಕೆಲಸ ಮಾಡಿದರೆ ನನ್ನ ಜತೆ ಅಭಿನಯಿಸಲು ನಟರು ಮುಂದಾಗುತ್ತಾರೆ ಎಂದರು. 

ಬಾಲಿವುಡ್ ನಟ ಶಾರುಖ್ ಖಾನ್ ಸಹ ಹೊರಗಿನಿಂದ ಬಂದಿದ್ದು ತಮ್ಮ ಉತ್ತಮ ಅಭಿನಯದೊಂದಿಗೆ ಇಂದು ಸೂಪರ್ ಸ್ಟಾರ್ ನಟನಾಗಿ ಬೆಳೆದಿಲ್ಲವೆ ಎಂದು 27 ವರ್ಷದ ಅನುಷ್ಕಾ ಶರ್ಮಾ ಹೇಳಿದ್ದಾರೆ. 

ಅನುಷ್ಕಾ ಶರ್ಮಾ ಅಭಿನಯದ ಫಿಲ್ಲೋರಿ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದ್ದು ಮಾರ್ಚ್ 24ರಂದು ದೇಶಾದ್ಯಂತ ತೆರೆಗೆ ಬರಲಿದೆ.