ಮುಂಬೈ: ನಟ ಶಾರುಖ್ ಖಾನ್ ಹಾಗೂ ಕಾಜೋಲ್ ಅಭಿನಯದ 'ದಿಲ್ ವಾಲೆ ಧುಲ್ಹನಿಯಾ ಲೇ ಜಾಯೇಂ ಗೆ' ಚಿತ್ರ ತೆರೆಕಂಡು 23 ವರ್ಷಗಳು ಕಳೆದಿದ್ದೂ, ಆದರೂ ಈ ಚಿತ್ರ ಇಂದಿಗೂ ಪ್ರದರ್ಶನಗೊಳ್ಳುತ್ತಿದೆ. 

ಮುಂಬೈನ ಮರಾಠಾ ಮಂದಿರ್ ಚಿತ್ರಮಂದಿರದಲ್ಲಿ ಡಿಡಿಎಲ್'ಜೆ 1,200 ವಾರಗಳ ಪ್ರದರ್ಶನ ಪೂರೈಸಿದೆ. 

ಇದಕ್ಕೆ ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಟ್ವೀಟ್ ಮಾಡಿರುವ ಶಾರುಖ್ ಅವರು, ಚಿತ್ರದ ಕುರಿತು ಜನರು ತೋರಿದ ಪ್ರೀತಿಗೆ ನಾನು ಚಿರಋಣಿ. 1200 ವಾರಗಳ ಬಳಿಕವೂ ಚಿತ್ರ ನಿರಂತರ ಪ್ರದರ್ಶನ ಕಾಣುತ್ತಿದೆ. ರಾಜ್ ಮತ್ತು ಸಿಮ್ರನ್ ಪ್ರೇಮಕಥೆ ಇನ್ನೂ ಜೀವಂತವಾಗಿದೆ ಎಂದು ಹೇಳಿದ್ದಾರೆ. 

ನಟಿ ಕಾಜೋಲ್ ಸಹ ಟ್ವಿಟರ್ ನಲ್ಲಿ ಪ್ರತಿಕ್ರಿಯೆ ನೀಡಿ, ಡಿಡಿಎಲ್'ಜೆ 1200 ವಾರಗಳ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಸಿನಿಮಾ ಬಗ್ಗೆ ಪ್ರೀತಿ ಇಟ್ಟುಕೊಂಡಿರುವ ಅಭಿಮಾನಿಗಳಿಗೆ ಧನ್ಯವಾದಗಳು. 1200 ವಾರಗಳಾದಲೂ ಈಗಲೂ ಚಿತ್ರ ಪ್ರದರ್ಶನಗೊಳ್ಳುತ್ತಿದೆ. ಹಲವು ವರ್ಷಗಳ ಕಾಲ ಚಿತ್ರದ ಬಗ್ಗೆ ಪ್ರೀತಿ ತೋರಿಸುತ್ತಿರುದಕ್ಕೆ ಅಭಿಮಾನಿಗಳಿಗೆ ಧನ್ಯವಾದ. ಚಿತ್ರ ಹಿಂದೆ, ಈಗ ಹಾಗೂ ಯಾವಾಗಲೂ ನಮ್ಮೆಲ್ಲರಿಗೂ ವಿಶೇಷ ಚಿತ್ರವಾಗಿಯೇ ಇರಲಿದೆ ಎಂದು ಹೇಳಿಕೊಂಡಿದ್ದಾರೆ.