ಮುಂಬೈ: ಇತ್ತೀಚೆಗೆ ವಿವಾಹವಾಗಿರುವ ಬಾಲಿವುಡ್ ಹಾಟ್ ಜೋಡಿ ದೀಪಿಕಾ ಪಡುಕೋಣೆ ಹಾಗೂ ರಣವೀರ್ ಸಿಂಗ್ ಇದೀಗ ಹನಿಮೂನ್ ಮೂಡಿನಲ್ಲಿದ್ದಾರೆ. ಆದರೆ ವಿಷಯ ಅದಲ್ಲ, ಅಮೆರಿಕಾದಲ್ಲಿನ ಒಂದು ರೆಸ್ಟೋರೆಂಟ್ ದೋಸೆ ಮಾರಾಟಕ್ಕೆ ಮುಂದಾಗಿದ್ದು ಈ ದೋಸೆಗೆ ದೀಪಿಕಾ ಅವರ ಹೆಸರಿಡಲಾಗಿದೆ!

ದೀಪಿಕಾ ಪಡುಕೋಣೆಯವರ ಅಭಿಮಾನಿಯೊಬ್ಬರು ಅಮೆರಿಕಾದ ಟೆಕ್ಸಾಸ್ ನಗರದಲ್ಲಿರುವ ಈ ರೆಸ್ಟೋರೆಂಟ್ ನಲ್ಲಿ ದೀಪಿಕಾ ಹೆಸರಿನ ದೋಸೆ ಮಾರಾಟಕ್ಕಿದೆ ಎಂದು ಅಲ್ಲಿನ ಮೆನು ಕಾರ್ಡ್ ನ ಫೋಟೋವನ್ನು ಟ್ವೀಟ್ ಮಾಡಿದ್ದಾರೆ.

ದೋಸೆಯ ಮೇಲೆ ಸ್ಪೈಸಿ ಪೆಪ್ಪರ್​ ಜತೆ ಆಲೂಗೆಡ್ಡೆಯನ್ನು ಹಾಕಿರುವ ದೋಸೆಗೆ ನಟಿ ದೀಪಿಕಾ ಅವರ ಹೆಸರಿಡಲಾಗಿದೆ.

ದೀಪಿಕಾ ಪತಿ ರಣವೀರ್ ಸಹ ಈ ಟ್ವೀಟ್ ಶೇರ್ ಮಾಡಿಕೊಂಡಿದ್ದು "ನಾನು ಈ ದೋಸೆಯನ್ನು ತಿನ್ನುತ್ತೇನೆ ಎಂದು ಬರೆದಿದ್ದಾರೆ.

ಹಾಗೆಯೇ ದೀಪಿಕಾಳ ಇನ್ನೋರ್ವ ಅಭಿಮಾನಿ ಪುಣೆಯ ರೆಸ್ಟೋರೆಂಟ್ ಒಂದರಲ್ಲಿ ನಟಿಯ ಹೆಸರಿನ ಪರೋಟಾ ಥಾಲಿ ಸಿಗುವುದಾಗಿ ಟ್ವೀಟ್ ಮೂಲಕ ತಿಳಿಸಿದ್ದಾರೆ.

ಇನ್ನು ಈ ನವಜೋಡಿ ಯಾವ ದೇಶದಲ್ಲಿದ್ದಾರೆ, ಎಂದು ಹಿಂದಿರುಗುತ್ತಾರೆ ಎಂಬ ಯಾವುದೇ ಮಾಹಿತಿ ಇಲ್ಲ. ಆದರೆ ದೀಪಿಕಾ ಶೀಘ್ರದಲ್ಲೇ ಮೇಘನಾ ಗುಲ್ಜಾರ್ ಅವರ 'ಚಪಾಕ್' ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ. ಅದರಲ್ಲಿ ಆಕೆ ಆಸಿಡ್ ದಾಳಿಯ ಸಂತ್ರಸ್ಥೆಲಕ್ಷ್ಮಿ ಅಗರ್ವಾಲ್ ಪಾತ್ರವನ್ನು ನಿರ್ವಹಿಸಲಿದ್ದಾರೆ.