ಭಾರತೀಯ ಚೆಸ್ ಗ್ರ್ಯಾಂಡ್ ಮಾಸ್ಟರ್ ಮತ್ತು ಮಾಜಿ ವಿಶ್ವ ಚೆಸ್ ಚಾಂಪಿಯನ್ ವಿಶ್ವನಾಥನ್ ಆನಂದ್ ಅವರು ದೇಶದ ಪ್ರಸಿದ್ಧ ವ್ಯಕ್ತಿಗಳು ಮತ್ತು ಉದ್ಯಮಿಗಳ ಜತೆ ಅಕ್ಷಯ ಪಾತ್ರೆಫೌಂಡೇಶನ್ನ ಕೋವಿಡ್-19 ಪರಿಹಾರದ ಆಹಾರ ಸರಬರಾಜೊಗಾಗಿ ಹಣ ಸಂಗ್ರಹಕ್ಕಾಗಿ ವಿಶೇಷ ಗೇಮ್ ಶೋ ದಲ್ಲಿ ಭಾಗವಹಿಸುತ್ತಿದ್ದಾರೆ.
"ಚೆಕ್ಮೇಟ್ " ಕೋವಿಡ್ ಸರಣಿಯು 5 ಬಾರಿ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಅವರನ್ನು ಒಳಗೊಂಡಿದ್ದು ಹತ್ತು ಭಾರತೀಯ ಸೆಲೆಬ್ರಿಟಿಗಳು ಮತ್ತು ಉದ್ಯಮಿಗಳನ್ನು ಒಂದು ಗಂಟೆಯ ಆಟದಲ್ಲಿ "five at one go" ಆಡಲಿದ್ದಾರೆ. ಬಾಲಿವುಡ್ ಸೆಲೆಬ್ರಿಟಿಗಳಾದ ಅಮೀರ್ ಖಾನ್, ಕಿಚ್ಚ ಸುದೀಪ್ , ರಿತೇಶ್ ದೇಶ್ ಮುಖ್, ಗಾಯಕ ಅರಿಜಿತ್ ಸಿಂಗ್, ಗಾಯಕ-ಗೀತರಚನೆಕಾರ ಅನನ್ಯ ಬಿರ್ಲಾ, ಕ್ರಿಕೆಟಿಗ ಯುಜ್ವೇಂದ್ರ ಚಾಹಲ್, ಮನು ಕುಮಾರ್ ಜೈನ್ - ಶಿಯೋಮಿ ಇಂಡಿಯಾದ ಎಂಡಿ, ನಿಖಿಲ್ ಕಾಮತ್ - ಜೆರೋಡಾದ ಸಹ ಸಂಸ್ಥಾಪಕ, ನಿರ್ಮಾಪಕ ಸಾಜಿದ್ ಮತು ಪ್ರಚುರಾ ಭಾಗವಹಿಸುತ್ತಿದ್ದಾರೆ.
ಈ ಚಾರಿಟಿ ಇವೆಂಟ್ ನ ಎಲ್ಲಾ ಆದಾಯವು ಸಾಂಕ್ರಾಮಿಕ ರೋಗದ ಈ ವಿನಾಶಕಾರಿ ಎರಡನೇ ಅಲೆಯ ಸಮಯದಲ್ಲಿ ಹಸಿವಿನಿಂದ ಬಳಲುತ್ತಿರುವ ದುರ್ಬಲ ಸಮುದಾಯಗಳ ವ್ಯಕ್ತಿಗಳು ಮತ್ತು ಕುಟುಂಬಗಳ ಸೇವೆಗೆ ಸಮರ್ಪಣೆಯಾಗಲಿದೆ.
ಚೆಸ್ ಡಾಟ್ ಕಾಮ್ ಇಂಡಿಯಾದ ಚೆಕ್ಮೇಟ್ ಕೋವಿಡ್ ಸೆಲೆಬ್ರಿಟಿ ಆವೃತ್ತಿಯ ಒಂದು ಭಾಗವಾಗಿ ಚಾರಿಟಿ ಇವೆಂಟ್ ಮತ್ತು ಅಕ್ಷಯ ಪಾತ್ರೆ ಸಹಯೋಗದೊಂದಿಗೆ 2021 ರ ಜೂನ್ 13 ರಂದು ಸಂಜೆ 5.00 ಕ್ಕೆ ನಡೆಯಲಿದೆ. ಈ ಕಾರ್ಯಕ್ರಮ ಚೆಸ್ ಡಾಟ್ ಕಾಮ್ ಭಾರತದ ಅಧಿಕೃತ ಯೂಟ್ಯೂಬ್ ಚಾನೆಲ್ನಲ್ಲಿ ನೇರ ಪ್ರಸಾರವಾಗಲಿದೆ.