ಮುಂಬೈ: ಶಾರುಖ್ ಖಾನ್ ಅಭಿನಯದ ಪಠಾಣ್ ಚಿತ್ರ ಹಿಂದಿ ಚಿತ್ರರಂಗದ ಎಲ್ಲಾ ದಾಖಲೆಗಳನ್ನು ಧೂಳಿಪಟ ಮಾಡಿದೆ. ಬಿಡುಗಡೆಯಾದ ಆರಂಭದಲ್ಲಿಯೇ ಅತ್ಯಂತ ವೇಗವಾಗಿ ರೂ. 100 ಕೋಟಿ, ರೂ. 200 ಕೋಟಿ ಮತ್ತು ರೂ.300 ಕೋಟಿ ಗಳಿಸಿದ ಪಠಾಣ್, ಅಷ್ಟೇ ವೇಗವಾಗಿ ರೂ. 400 ಕೋಟಿ ಕ್ಲಬ್ ಸೇರಿತ್ತು.

ಇದೇ ರೀತಿ ಸುಲಭವಾಗಿ ಬಾಲಿವುಡ್ ನಲ್ಲಿ ರೂ. 500 ಕೋಟಿ ಕಲೆಕ್ಷನ್ ಮಾಡಿದ ಚಿತ್ರ ಇದೀಗ ಬಾಲಿವುಡ್ ಹಿಂದಿ ಆವೃತ್ತಿಯ ಸಾರ್ವಕಾಲಿಕ ರೂ. 511 ಕೋಟಿ ದಾಖಲೆಯನ್ನು ಹಿಂದಿಕ್ಕುವಲ್ಲಿ ಯಶಸ್ವಿಯಾಗಿದೆ. ಹಿಂದಿ ವರ್ಸನ್ ಒಂದರಲ್ಲಿಯೇ ರೂ. 516 ಕೋಟಿ ದೋಚಿರುವ ಪಠಾಣ್, ಒಟ್ಟಾರೇ ಕಲೆಕ್ಷನ್ ಸುಮಾರು ರೂ. 534 ಕೋಟಿ ಸಮೀಪದಲ್ಲಿ ಇದೆ ಎನ್ನಲಾಗಿದೆ.  

ಇದನ್ನೂ ಓದಿ:  ಶಾರುಖ್ ಖಾನ್ ಮತ್ತು ನನಗೆ ಗೊತ್ತಿರುವುದು ಬದ್ಧತೆ, ವಿನಮ್ರತೆ': 'ಪಠಾಣ್' ವಿವಾದದ ಬಗ್ಗೆ ದೀಪಿಕಾ ಪಡುಕೋಣೆ

ಈ ವಾರದಲ್ಲಿ ಯಾವುದೇ ಹೊಸ ಚಿತ್ರ ಬಿಡುಗಡೆಯಾಗದಿರುವುದರಿಂದ ಮತ್ತೆ ರೂ. 5.50 ಕೋಟಿ ಕಲೆಕ್ಷನ್ ಮಾಡುವ ನಿರೀಕ್ಷೆಯಿದೆ. ಕಡಿಮೆಯಾದ ಟಿಕೆಟ್ ದರ ಹಾಗೂ ಹೋಳಿ ರಜೆ ಪಠಾಣ್ ಗೆ ಅನುಕೂಲವಾಗಬಹುದು. ಏಳನೇ ವಾರ ಆರಂಭದಲ್ಲಿಯೇ ರೂ. 3 ರಿಂದ 4 ಕೋಟಿ ಕಲೆಕ್ಷನ್ ಮಾಡುವ ಸಾಧ್ಯತೆಯಿದೆ ಎಂದು ಬಾಲಿವುಡ್ ಚಿತ್ರೋದ್ಯಮದ ವಿಶ್ಲೇಷಕರೊಬ್ಬರು ಹೇಳಿದ್ದಾರೆ.