ಬಾಲಿವುಡ್ ನಿರ್ದೇಶಕಿ ಫರಾ ಖಾನ್ ಅಡುಗೆ ಭಟ್ಟನಿಗೆ RCB ಒಡತಿ ಅನನ್ಯಾ ಬಿರ್ಲಾ ದುಬಾರಿ ಬೆಲೆಯ ವಾಚ್' ಗಿಫ್ಟ್ ನೀಡಿದ್ದಾರೆ. ಇತ್ತೀಚೆಗೆ ಫರಾ ಖಾನ್, ಅನನ್ಯಾ ಬಿರ್ಲಾ ಅವರ ಮನೆಗೆ ಭೇಟಿ ನೀಡಿದಾಗ ಈ ಅಚ್ಚರಿಯ ಘಟನೆ ನಡೆದಿದೆ.
ಉದ್ಯಮಿ ಕುಮಾರ್ ಮಂಗಳಂ ಬಿರ್ಲಾ ಅವರ ಪುತ್ರಿಯಾದ ಅನನ್ಯಾ, ದಿಲೀಪ್ಗೆ ಸುಮಾರು 1 ಲಕ್ಷ ರೂ. ಮೌಲ್ಯದ ದುಬಾರಿ ವಾಚ್ ನ್ನು ಗಿಫ್ಟ್ ಆಗಿ ನೀಡಿದ್ದಾರೆ.
ಈ ವಿಶೇಷ ಕ್ಷಣದ ವಿಡಿಯೋ ಫರಾ ಅವರ ವ್ಲಾಗ್ನಲ್ಲಿ (vlog) ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಗಮನ ಸೆಳೆದಿದೆ. ಗಿಫ್ಟ್ ಪಡೆಯುವಾಗ ದಿಲೀಪ್ ಅತ್ಯಂತ ಸಂತೋಷದಿಂದ ಇದ್ದರು. ಅನನ್ಯಾ ಅವರ ಈ ನಡೆ ವೀಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ.
ಈ ಭೇಟಿಯ ಸಂದರ್ಭದಲ್ಲಿ ಅನನ್ಯಾ ಅವರ ಐಷಾರಾಮಿ ಮನೆಯ ಒಳಾಂಗಣ ಅನಾವರಣಗೊಂಡಿದ್ದು, ಇದನ್ನು ಕಂಡು ಫರಾ ಮತ್ತು ದಿಲೀಪ್ ಶಾಕ್ ಆಗಿದ್ದಾರೆ.
ಫರಾ ಖಾನ್ ಅವರು ತಮ್ಮ ಯೂಟ್ಯೂಬ್ ವ್ಲಾಗ್ಗಳ ಮೂಲಕ ಸದಾ ಸುದ್ದಿಯಲ್ಲಿರುತ್ತಾರೆ. ಈ ವ್ಲಾಗ್ಗಳಲ್ಲಿ ಅವರು ಸೆಲೆಬ್ರಿಟಿಗಳ ಮನೆಗಳಿಗೆ ಭೇಟಿ ನೀಡಿ, ಅವರ ಜೀವನಶೈಲಿಯನ್ನು ವೀಕ್ಷಕರಿಗೆ ಪರಿಚಯಿಸುತ್ತಾರೆ. ಇವರೊಂದಿಗೆ ಹೆಚ್ಚಾಗಿ ಇವರ ಅಡುಗೆಯವರಾದ ದಿಲೀಪ್ ಕೂಡ ಇರುತ್ತಾರೆ. ಇವರು ಈಗ ಫರಾ ಅವರ ವೀಕ್ಷಕರಿಗೆ ಪರಿಚಿತ ಮುಖವಾಗಿದ್ದಾರೆ.
ಗಾಯಕಿ ಮತ್ತು ಉದ್ಯಮಿಯಾಗಿರುವ ಅನನ್ಯಾ, ಕೈಗಾರಿಕೋದ್ಯಮಿ ಕುಮಾರ್ ಮಂಗಳಂ ಬಿರ್ಲಾ ಅವರ ಪುತ್ರಿಯಾಗಿದ್ದಾರೆ. ಅನನ್ಯಾ ಅವರ ಮನೆಯ ಭವ್ಯವಾದ ಒಳಾಂಗಣ ವಿನ್ಯಾಸ, ಸುಂದರವಾದ ಅಲಂಕಾರ ಮತ್ತು ಐಷಾರಾಮಿ ಸೌಲಭ್ಯಗಳನ್ನು ಕಂಡು ಫರಾ ಮತ್ತು ದಿಲೀಪ್ ಮಂತ್ರಮುಗ್ಧರಾಗಿದ್ದಾರೆ.
ಫರಾ ಖಾನ್ ತಮ್ಮ ವ್ಲಾಗ್ನಲ್ಲಿ ಈ ವಿಶೇಷ ಕ್ಷಣವನ್ನು ತೋರಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಹರಿದಾಡುತ್ತಿದ್ದು, ದಿಲೀಪ್ಗೆ ದುಬಾರಿ ವಾಚ್ ಗಿಫ್ಟ್ ನೀಡಿದ ಉದ್ಯಮಿ ಅನನ್ಯಾ ಅವರನ್ನು ವೀಕ್ಷಕರು ಶ್ಲಾಘಿಸುತ್ತಿದ್ದಾರೆ.