ಮುಂಬೈ: ಬಿಡುಗಡೆಗೆ ಸಿದ್ಧವಾಗಿರುವ 'ಪಿಕೆ' ಚಿತ್ರದ ವಿಶೇಷ ಪ್ರದರ್ಶನವನ್ನು ಮಂಗಳವಾರ ಬಾಂದ್ರಾದಲ್ಲಿ ಏರ್ಪಡಿಸಲಾಗಿತ್ತು. ನಟ ಅಮೀರ್ ಖಾನ್, ನಿರ್ದೇಶಕ ರಾಜು ಹಿರಾನಿ ಮತ್ತು ನಟಿ ಅನುಷ್ಕಾ ಶರ್ಮ ಈ ಪ್ರದರ್ಶನವನ್ನು ಏರ್ಪಡಿಸಿದ್ದರು. ಹಲವಾರು ಗಣ್ಯರು ಈ ಪ್ರದರ್ಶನದಲ್ಲಿ ಭಾಗಿಯಾಗಿದ್ದರು.

ಸಚಿನ್ ತೆಂಡುಲ್ಕರ್, ರಾಜ್ ಠಾಕ್ರೆ ಮತ್ತು ಅವರ ಪತ್ನಿ ಶರ್ಮಿಳಾ ಹಾಗು ಮಗ ಅಮಿತ್, ಆದಿತ್ಯ ಠಾಕ್ರೆ, ಆಯನ್ ಮುಖರ್ಜಿ, ಸಾಜಿದ್ ನಾಡಿಯಾವಾಲಾ, ಗಾಯತ್ರಿ ಜೋಷಿ ಸಿನೆಮಾವನ್ನು ಸವಿದರು. ಈಗಾಗಲೇ ಸಿನೆಮಾ ನೋಡಿರುವ ಅಮೀರ್ ಖಾನ್ ಅವರ ಪತ್ನಿ ಕಿರಣ್ ರಾವ್ ಕೂಡ ಉಪಸ್ಥಿತರಿದ್ದರು.

ಸಿನೆಮಾ ನಾಳೆ ಶುಕ್ರವಾರ ದೇಶಾದ್ಯಂತ ಬಿಡುಗಡೆಗೆ ಸಿದ್ಧವಾಗಿದೆ.